Book 2 · Adhyay 29

go.adhyakṣo vetana.upagrāhikaṃ kara.pratikaraṃ bhagna.utsṛṣṭakaṃ bhāga.anupraviṣṭakaṃ vraja.paryagraṃ naṣṭaṃ vinaṣṭaṃ kṣīra.ghṛta.sañjātaṃ ca-upalabheta | 1 |

go.pālaka.piṇḍāraka.dohaka.manthaka.lubdhakāḥ śataṃ śataṃ dhenūnāṃ hiraṇya.bhṛtāḥ pālayeyuḥ | 2 |

kṣīra.ghṛta.bhṛtā hi vatsān upahanyuḥ | iti vetana.upagrāhikam | 3 |

jaradgu.dhenu.garbhiṇī.paṣṭhauhī.vatsatarīṇāṃ sama.vibhāgaṃ rūpa.śatam ekaḥ pālayet | 4 |

ghṛtasya-aṣṭau vārakān paṇikaṃ puccham aṅka.carma ca vārṣikaṃ dadyāt | iti kara.pratikaraḥ | 5 |

vyādhitā.nyaṅgā.ananya.dohī.durdohā.putraghnīnāṃ ca sama.vibhāgaṃ rūpa.śataṃ pālayantas taj.jātikaṃ bhāgaṃ dadyuḥ | iti bhagna.utṣṛṣṭakam | 6 |

para.cakra.aṭavī.bhayād anupraviṣṭānāṃ paśūnāṃ pālana.dharmeṇa daśa.bhagaṃ dadyuḥ | iti bhāga.anupraviṣṭakam | 7 |

vatsā vatsatarā damyā vahino vṛṣā ukṣāṇaś ca puṅgavāḥ, yuga.vāhana.śakaṭa.vahā vṛṣabhāḥ sūnā.mahiṣāḥ pṛṣṭa.skandha.vāhinaś ca mahiṣāḥ, vatsikā vatsatarī paṣṭahuhī garbhiṇī dhenuś ca-aprajātā vandhyāś ca gāvo mahiṣyaś ca, māsa.dvi.māsa.jātās tāsām upajā vatsā vatsikāś ca | 8 |

māsa.dvi.māsa.jātān aṅkayet | 9 |

māsa.dvi.māsa.paryuṣitam aṅkayet | 10 |

aṅkaṃ cihnaṃ varṇaṃ śṛṅga.antaraṃ ca lakṣaṇam evam upajā nibandhayet | iti vraja.paryagram | 11 |

cora.hṛtam anya.yūtha.praviṣṭam avalīnaṃ vā naṣṭam | 12 |

paṅka.viṣama.vyādhi.jarā.toya.āhāra.avasannaṃ vṛkṣa.taṭa.kāṣṭha.śilā.abhihatam īśāna.vyāla.sarpa.grāha.dāva.agni.vipannaṃ vinaṣṭam | 13 |

pramādād abhyāvaheyuḥ | 14 |

evaṃ rūpa.agraṃ vidyāt | 15 |

svayaṃ hantā ghātayitā hartā hārayitā ca vadhyaḥ | 16 |

para.paśūnāṃ rāja.aṅkena parivartayitā rūpasya pūrvaṃ sāhasa.daṇḍaṃ dadyāt | 17 |

sva.deśīyānāṃ cora.hṛtaṃ pratyānīya paṇitaṃ rūpaṃ haret | 18 |

para.deśīyānāṃ mokṣayitā-ardhaṃ haret | 19 |

bāla.vṛddha.vyādhitānāṃ go.pālakāḥ pratikuryuḥ | 20 |

lubdhaka.śva.gaṇibhir apāstas tena-avyāla.parābādha.bhayam ṛtu.vibhaktam araṇyaṃ cārayeyuḥ | 21 |

sarpa.vyāla.trāsana.arthaṃ go.cara.anupāta.jñāna.arthaṃ ca trasnūnāṃ ghaṇṭā.tūryaṃ ca badhnīyuḥ | 22 |

sama.vyūḍha.tīrtham akardama.grāham udakam avatārayeyuḥ pālayeyuś ca | 23 |

stena.vyāla.sarpa.grāha.gṛhītaṃ vyādhi.jarā.avasannaṃ ca-āvedayeyuḥ, anyathā rūpa.mūlyaṃ bhajeran | 24 |

kāraṇa.mṛtasya-aṅka.carma go.mahiṣasya, karṇa.lakṣaṇam aja.avikānām, puccham aṅka.carma ca-aśva.khara.uṣṭrāṇām, bāla.carma.basti.pitta.snāyu.danta.khura.śṛṅga.asthīni ca-āhareyuḥ | 25 |

māṃsam ārdraṃ śuṣkaṃ vā vikrīṇīyuḥ | 26 |

udaśvit.śva.varāhebhyo dadyuḥ | 27 |

kūrcikāṃ senā.bhakta.artham āhareyuḥ | 28 |

kilāṭo ghāṇa.piṇyāka.kleda.arthaḥ | 29 |

paśu.vikretā pādikaṃ rūpaṃ dadyāt | 30 |

varṣā.śaradd.hemantān ubhayataḥ.kālaṃ duhyuḥ, śiśira.vasanta.grīṣmān eka.kālam | 31 |

dvitīya.kāla.dogdhur aṅguṣṭhac.chedo daṇḍaḥ | 32 |

dohana.kālam atikrāmatas tat.phala.hānaṃ daṇḍaḥ | 33 |

etena nasya.damya.yuga.piṅgana.vartana.kālā vyākhyātāḥ | 34 |

kṣīra.droṇe gavāṃ ghṛta.prasthaḥ, pañca.bhāga.adhiko mahiṣīṇām, dvi.bhāga.adhiko 'ja.avīnām | 35 |

mantho vā sarveṣāṃ pramāṇam | 36 |

bhūmi.tṛṇa.udaka.viśeṣādd hi kṣīra.ghṛta.vṛddhir bhavati | 37 |

yūtha.vṛṣaṃ vṛṣeṇa-avapātayataḥ pūrvaḥ sāhasa.daṇḍaḥ, ghātayata uttamaḥ | 38 |

varṇa.avarodhena daśatī rakṣā | 39 |

upaniveśa.dig.vibhāgo go.pracārād bala-anvayato vā gavāṃ rakṣā.sāmarthyāc ca | 40 |

ajāvīnāṃ ṣaṇ.māsikī.mūrṇāṃ grāhayet | 41 |

tena-aśva.khara.uṣṭra.varāha.vrajā vyākhyātāḥ | 42 |

balīvardānāṃ nasya.aśva.bhadra.gati.vāhināṃ yava.sasya.ardha.bhāras tṛṇasya dvi.guṇam, tulā ghāṇa.piṇyākasya, daśa.āḍhakaṃ kaṇa.kuṇḍakasya, pañca.palikaṃ mukha.lavanAm, taila.kuḍubo nasyaṃ prasthaḥ pānaṃ, māṃsa.tulā, dadhnaś ca-āḍhakam, yava.droṇaṃ māṣāṇāṃ vā pulākaḥ, kṣīra.droṇam ardha.āḍhakaṃ vā surāyāḥ sneha.prasthaḥ kṣāra.daśa.palaṃ śṛṅgibera.palaṃ ca pratipānam | 43 |

pāda.ūnam aśvatara.go.kharāṇām, dvi.guṇaṃ mahiṣa.uṣṭrāṇām | 44 |

karma.kara.balīvardānāṃ pāyana.arthānāṃ ca dhenūnāṃ karma.kālataḥ phalataś ca vidhā.dānam | 45 |

sarveṣāṃ tṛṇa.udaka.prākāmyam | 46 |

iti go.maṇḍalaṃ vyākhyātam | 47 |