Book 14 · Adhyay 3

mārjāra.uṣṭra.vṛka.varāha.śva.avi.dvāgulī.naptṛ.kāka.ulūkānām anyeṣāṃ vā niśā.carāṇāṃ sattvānām ekasya dvayor bahūnāṃ vā dakṣiṇāni vāmāni ca-akṣīṇi gṛhītvā dvidhā cūrṇaṃ kārayet | 1 |

tato dakṣiṇaṃ vāmena vāmaṃ dakṣiṇena samabhyajya rātrau tamasi ca paśyati | 2 |

tri.rātra.upoṣitaḥ puṣyeṇa śastra.hatasya śūla.protasya vā puṃsaḥ śiraḥ.kapāle mṛttikāyāṃ yavān āvāsya-avikṣīreṇa secayet | 4 |

tato yava.virūḍha.mālām ābadhya naṣṭac.chāyā.rūpaś carati | 5 |

tri.ratra.upoṣitaḥ puṣyeṇa śva.mārjāra.ulūka.vāgulīnāṃ dakṣiṇāni vāmāni ca-akṣīṇi dvidhā cūrṇaṃ kārayet | 6 |

tato yathā.svam abhyakta.akṣo naṣṭac.chāyā.rūpaś carati | 7 |

tri.rātra.upoṣitaḥ puṣyeṇa puruṣa.ghātinaḥ kāṇḍakasya śalākām añjanīṃ ca kārayet | 8 |

tato anyatamena-akṣi.cūrṇena-abhyakta.akṣo naṣṭac.chāyā.rūpaś carati | 9 |

tri.rātra.upoṣitaḥ puṣyeṇa kālāyasīm añjanīṃ śalākāṃ ca kārayet | 10 |

tato niśā.carāṇāṃ sattvānām anyatamasya śiraḥ.kapālam añjanena pūrayitvā mṛtāyāḥ striyā yonau praveśya dāhayet | 11 |

tad añjanaṃ puṣyeṇa-uddhṛtya tasyām añjanyāṃ nidadhyāt | 12 |

tena-abhyakta.akṣo naṣṭa.chāyā.rūpaś carati | 13 |

yatra brāhmaṇam āhita.agniṃ dagdhaṃ dahyamānaṃ vā paśyet tatra tri.rātra.upoṣitaḥ puṣyeṇa svayaṃ.mṛtasya vāsasā prasevaṃ kṛtvā citā.bhasmanā pūrayitvā tam ābadhya naṣṭac.chāyā.rūpaś carati | 14 |

brāhmaṇasya preta.kārye yo gaur māryate tasya-asthi.majja.cūrṇa.pūrṇā-ahi.bhastrā paśūnām antar.dhānam | 15 |

sarpa.daṣṭasya bhasmanā pūrṇā pracalāka.bhastrā mṛgāṇām antar.dhānam | 16 |

ulūka.vāgulī.puccha.purīṣa.jānv.asthi.cūrṇa.pūrṇā-ahi.bhastrā pakṣiṇām antar.dhānam | 17 |

ity aṣṭāv antar.dhāna.yogaḥ | 18 |

atigacchanti ca mayy apagacchantu saṃhatāḥ | 25 |

alite, valite, manave svāhā | 26 |

etasya prayogaḥ | 27 |

tri.rātra.upoṣitaḥ kṛṣṇa.catur.daśyāṃ puṣya.yoginyāṃ śva.pākī.hastād vilakha.avalekhanaṃ krīṇīyāt | 28 |

tan.māṣaiḥ saha kaṇḍolikāyāṃ kṛtvā-asaṅkīrṇa ādahane nikhānayet | 29 |

dvitīyasyāṃ caturdaśyām uddhṛtya kumāryā peṣayitvā gulikāḥ kārayet | 30 |

tata ekāṃ gulikām abhimantrayitvā yatra-etana mantreṇa kṣipati tat sarvaṃ prasvāpayati | 31 |

etena-eva kalpena śvā.vidhaḥ śalyakaṃ tri.kālaṃ triśvetam asaṅkīrṇa ādahane nikhānayet | 32 |

dvitīyasyāṃ caturdaśyām uddhṛtya-ādahana.bhasmanā saha yatra.etena mantreṇa kṣipati tat sarvaṃ prasvāpayati | 33 |

svāhā - amile kimile vayu.cāre prayoge phakke vayuhve vihāle danta.kaṭake svāhā | 36 |

svāhā" | 39 |

etasya prayogaḥ | 40 |

śvā.vidhaḥ śalyakāni tri.śvetāni, sapta.rātra.upoṣitaḥ kṛṣṇa.caturdaśyāṃ khādirābhiḥ samidhābhir agnim etena mantreṇa-aṣṭa.śata.sampātaṃ kṛtvā madhu.ghṛtābhyām abhijuhuyāt | 41 |

tata ekam etena mantreṇa grāma.dvāri gṛha.dvāri vā yatra nikhanyate tat sarvaṃ prasvāpayati | 42 |

iti svāhā | 47 |

etasya prayogaḥ | 48 |

catur.bhakta.upavāsī kṛṣṇa.caturdaśyām asaṅkīrṇa ādahane baliṃ kṛtvā-etena mantreṇa śava.śārikāṃ gṛhītvā pautrī.poṭṭalikaṃ badhnīyāt | 49 |

tan.madhye śvā.vidhaḥ śalyakena viddhvā yatra-etena mantreṇa nikhanyate tat sarvaṃ prasvāpayati | 50 |

svāhā" | 52 |

etasya prayogaḥ | 53 |

tri.rātra.uposṣitaḥ puṣyeṇa śarkarā eka.viṃśati.sampātaṃ kṛtvā madhu.ghṛtābhyām abhijuhuyāt | 54 |

tato gandha.mālyena pūjayitvā nikhānayet | 55 |

dvitīyena puṣyeṇa-uddhṛtya-ekāṃ śarkarām abhimantrayitvā kapāṭam āhanyāt | 56 |

abhyantarm catasṛṇāṃ śarkarāṇāṃ dvāram apāvriyate | 57 |

catur.bhakta.upavāsī kṛṣṇa.caturdaśyāṃ bhagnasya puruṣasya-asthnā ṛṣabhaṃ kārayet, abhimantrayec ca-etena | 58 |

dvi.go.yuktaṃ go.yānam āhṛtaṃ bhavati | 59 |

tataḥ parama.ākāśe virāmati | 60 |

ravi.sagandhaḥ parighamati sarvaṃ pṛṇāti | 61 |

"caṇḍālī.kumbhī.tumba.kaṭuka.sāra.oghaḥ sanārī.bhago 'si - svāhā | 62 |

tāla.udghāṭanaṃ prasvāpanaṃ ca | 63 |

tri.rātra.upoṣitaḥ puṣyeṇa śastra.hatasya śūla.protasya vā puṃsaḥ śiraḥ.kapāle mṛttikāyāṃ tuvarī.rāvāsya-udakena secayet | 64 |(?)

jātānāṃ puṣyeṇa-eva gṛhītvā rajjukāṃ vartayet | 65 |

tataḥ sajyānāṃ dhanuṣāṃ yantrāṇāṃ ca purastāc chedanaṃ jyāc.chedanaṃ karoti | 66 |

udaka.ahi.bhastrām ucchvāsa.mṛttikayā striyāḥ puruṣasya vā pūrayet, nāsikā.bandhanaṃ mukha.grahaś ca | 67 |

varāha.bhastrām ucchvāsamṛttikayā pūrayitvā markaṭa.snāyunā-avabadhnīyāt, ānāha.kāraṇam | 68 |

kṛṣṇa.caturdaśyāṃ śastra.hatāyā goḥ kapilāyāḥ pittena rāja.vṛkṣamayīm amitra.pratimām añjyāt, andhī.karaṇam | 69 |

catur.bhakta.upavāsī kṛṣṇa.caturdaśyāṃ baliṃ kṛtvā śūla.protasya puruṣasya-asthnā kīlakān kārayet | 70 |

eteṣām ekaḥ purīṣe mūtre vā nikhāta ānāhaṃ karoti, pade 'sya-āsane vā nikhātaḥ śoṣeṇa mārayati, āpaṇe kṣetre gṛhe vā vṛttic.chedaṃ karoti | 71 |

etena-eva kalpena vidyud.dagdhasya vṛkṣasya kīlakā vyākhyātāḥ | 72 |

tri.rātra.upoṣitaḥ puṣyeṇa śastra.hatasya śūla.protasya vā puṃsaḥ śiraḥ.kapāle mṛttikāyāṃ guñjā āvāsya-udakena secayet | 79 |

jātānām amāvāsyāyāṃ paurṇamāsyāṃ vā puṣya.yoginyāṃ guñja.vallīr grāhayitvā maṇḍalikāni kārayet | 80 |

teṣv anna.pāna.bhājanāni nyastāni na kṣīyante | 81 |

rātri.prekṣāyāṃ pravṛttāyāṃ pradīpa.agniṣu mṛta.dhenoḥ stanān utkṛtya dāhayet | 82 |

dagdhān vṛṣa.mūtreṇa peṣayitvā nava.kumbham antar.lepayet | 83 |

taṃ grāmam apasavyaṃ pariṇīya yat tatra nyastaṃ nava.nītam eṣāṃ tat sarvam āgacchati | 84 |

kṛṣṇa.caturdaśyāṃ puṣya.yoginyāṃ śuno lagnakasya yonau kālāyasīṃ mudrikāṃ preṣayet | 85 | tāṃ svayaṃ patitāṃ gṛhṇīyāt | 85 |

tayā vṛkṣa.phalāny ākāritāny āgacchanti | 87 |