Book 1 · Adhyay 12

ye ca-apy asmabandhino avaśya.bhartavyās te lakṣaṇam aṅga.vidyāṃ jambhaka.vidyāṃ māyā.gatam āśrama.dharmaṃ nimittam antara.cakram ity adhīyānāḥ sattriṇaḥ, saṃsarga.vidyāṃ ca | 1 |

ye janapade śūrās tyakta.ātmāno hastinaṃ vyālaṃ vā dravya.hetoḥ pratiyodhayeyus te tīkṣṇāḥ | 2 |

ye bandhuṣu nihsnehāḥ krūrā alasāś ca te rasadāḥ | 3 |

parivrājikā vṛtti.kāmā daridrā vidhavā pragalbhā brāhmaṇy antaḥpure kṛta.satkārā mahā.mātra.kulāny abhigacchet | 4 |

etayā muṇḍā vṛṣalyo vyākhyātāḥ | 5 | iti sañcārāḥ |

tān rājā sva.viṣaye mantri.purohita.senā.pati.yuva.rāja.dauvārika.antarvaṃśika.praśāstṛ.- samāhartṛ.samnidhātṛ.pradeṣṭṛ.nāyaka.paura.vyāvahārika.kārmāntika.- mantri.pariṣad.adhyakṣa.daṇḍa.durga.antapāla.āṭavikeṣu śraddheya.deśa.veṣa.śilpa.bhāṣā.abhijana.apadeśān bhaktitaḥ sāmarthya.yogāc ca-apasarpayet | 6 |

teṣāṃ bāhyaṃ cāraṃ chatra.bhṛṅgāra.vyajana.pāduka.āsana.yāna.vāhana.upagrāhiṇas tīkṣṇā vidyuḥ | 7 |

taṃ sattriṇaḥ saṃsthāsv arpayeyuḥ | 8 |

sūda.ārālika.snāpaka.saṃvāhaka.āstaraka.kalpaka.prasādhaka.udaka.- paricārakā rasadāḥ kubja.vāmana.kirāta.mūka.badhira.jaḍa.andhac.chadmāno naṭa.nartaka.gāyana.vādaka.vāg.jīvana.kuśīlavāḥ striyaś ca-ābhyantaraṃ cāraṃ vidyuḥ | 9 |

taṃ bhikṣkyaḥ saṃsthāsv aprayeyuḥ | 10 |

saṃsthānām antevāsinaḥ sañjñā.lipibhiś cāra.sañcāraṃ kuryuḥ | 11 |

na ca-anyonyaṃ saṃsthās te vā vidyuḥ | 12 |

bhikṣukī.pratiṣedhe dvāhstha.paramparā mātā.pitṛ.vyañjanāḥ śilpa.kārikāḥ kuśīlavā dāsyo vā gīta.pāṭhya.vādya.bhāṇḍa.gūḍha.lekhya.sañjñābhir vā cāraṃ nirhareyuḥ.| 13 |

dīrgha.roga.unmāda.agni.rasa.visargeṇa vā gūḍha.nirgamanam | 14 |

trayāṇām eka.vākye sampratyayaḥ | 15 |

teṣām abhīkṣṇa.vinipāte tūṣṇīṃ.daṇḍaḥ pratiṣedhaḥ | 16 |

kaṇṭaka.śodhana.uktāś ca-apasarpāḥ pareṣu kṛta.vetanā vaseyur asampātinaś cāra.artham | 17 |

ta ubhaya.vetanāḥ | 18 |