Atharvaveda Śaunaka 9.10.1 ◌ EeseDharma mein verified
२१ पञ्चपदातिशक्वरी, २४ चतुष्पदा पुरस्कृतिर्भुरिगतिजगती, २, २६-२७ भुरिक्।
यद् गा॑य॒त्रे अधि॑ गाय॒त्रमाहि॑तं॒ त्रैष्टु॑भं वा॒ त्रैष्टु॑भान्नि॒रत॑क्षत ।
यद् वा॒ जग॒ज्जग॒त्याहि॑तं प॒दं य इत् तद् वि॒दुस्ते अ॑मृत॒त्वमा॑नशुः ॥१॥
Roman reading २१ pañcapadātiśakvarī, २४ catuṣpadā puraskṛtirbhurigatijagatī, २, २६-२७ bhurik | yad gā॑ya॒tre adhi॑ gāya॒tramāhi॑taṃ॒ traiṣṭu॑bhaṃ vā॒ traiṣṭu॑bhānni॒rata॑kṣata | yad vā॒ jaga॒jjaga॒tyāhi॑taṃ pa॒daṃ ya it tad vi॒duste a॑mṛta॒tvamā॑naśuḥ || १ ||
− Simple arth
Project-owned meaning abhi available nahi hai.
Atharvaveda Śaunaka 9.10.2 ◌ EeseDharma mein verified
गा॒य॒त्रेण॒ प्रति॑ मिमीते अ॒र्कम॒र्केण॒ साम॒ त्रैष्टु॑भेन वा॒कम्।
वा॒केन॑ वा॒कं द्वि॒पदा॒ चतु॑ष्पदा॒क्षरे॑ण मिमते स॒प्त वाणीः॑ ॥२॥
Roman reading gā॒ya॒treṇa॒ prati॑ mimīte a॒rkama॒rkeṇa॒ sāma॒ traiṣṭu॑bhena vā॒kam | vā॒kena॑ vā॒kaṃ dvi॒padā॒ catu॑ṣpadā॒kṣare॑ṇa mimate sa॒pta vāṇīḥ॑ || २ ||
− Simple arth
Project-owned meaning abhi available nahi hai.
Atharvaveda Śaunaka 9.10.3 ◌ EeseDharma mein verified
जग॑ता॒ सिन्धुं॑ दि॒व्यऽस्कभायद् रथंत॒रे सूर्यं॒ पर्य॑पश्यत्।
गा॒य॒त्रस्य॑ स॒मिध॑स्ति॒स्र आ॑हु॒स्ततो॑ म॒ह्ना प्र रि॑रिचे महि॒त्वा ॥३॥
Roman reading jaga॑tā॒ sindhuṃ॑ di॒vya’skabhāyad rathaṃta॒re sūryaṃ॒ parya॑paśyat | gā॒ya॒trasya॑ sa॒midha॑sti॒sra ā॑hu॒stato॑ ma॒hnā pra ri॑rice mahi॒tvā || ३ ||
− Simple arth
Project-owned meaning abhi available nahi hai.
Atharvaveda Śaunaka 9.10.4 ◌ EeseDharma mein verified
उप॑ ह्वये सु॒दुघां॑ धे॒नुमे॒तां सु॒हस्तो॑ गो॒धुगु॒त दो॑हदेनाम्।
श्रेष्ठं॑ स॒वं स॑वि॒ता सा॑विषन्नो॒ऽभीऽद्धो घ॒र्मस्तदु॒ षु प्र वो॑चत् ॥४॥
Roman reading upa॑ hvaye su॒dughāṃ॑ dhe॒nume॒tāṃ su॒hasto॑ go॒dhugu॒ta do॑hadenām | śreṣṭhaṃ॑ sa॒vaṃ sa॑vi॒tā sā॑viṣanno॒’bhī’ddho gha॒rmastadu॒ ṣu pra vo॑cat || ४ ||
− Simple arth
Project-owned meaning abhi available nahi hai.
Atharvaveda Śaunaka 9.10.5 ◌ EeseDharma mein verified
हि॒ङ्कृ॒ण्व॒ती व॑सु॒पत्नी॒ वसू॑नां व॒त्समि॒च्छन्ती॒ मन॑सा॒भ्यागा॑त्।
दु॒हाम॒श्विभ्यां॒ पयो॑ अ॒घ्न्येयं सा व॑र्धतां मह॒ते सौभ॑गाय ॥५॥
Roman reading hi॒ṅkṛ॒ṇva॒tī va॑su॒patnī॒ vasū॑nāṃ va॒tsami॒cchantī॒ mana॑sā॒bhyāgā॑t | du॒hāma॒śvibhyāṃ॒ payo॑ a॒ghnyeyaṃ sā va॑rdhatāṃ maha॒te saubha॑gāya || ५ ||
− Simple arth
Project-owned meaning abhi available nahi hai.
Atharvaveda Śaunaka 9.10.6 ◌ EeseDharma mein verified
गौर॑मीमेद॒भि व॒त्सं मि॒षन्तं॑ मू॒र्धानं॒ हिङ्ङ॑कृणो॒न्मात॒वा उ॑ ।
सृक्वा॑णं घ॒र्मम॒भि वा॑वशा॒ना मिमा॑ति मा॒युं पय॑ते॒ पयो॑भिः ॥६॥
Roman reading gaura॑mīmeda॒bhi va॒tsaṃ mi॒ṣantaṃ॑ mū॒rdhānaṃ॒ hiṅṅa॑kṛṇo॒nmāta॒vā u॑ | sṛkvā॑ṇaṃ gha॒rmama॒bhi vā॑vaśā॒nā mimā॑ti mā॒yuṃ paya॑te॒ payo॑bhiḥ || ६ ||
− Simple arth
Project-owned meaning abhi available nahi hai.
Atharvaveda Śaunaka 9.10.7 ◌ EeseDharma mein verified
अ॒यं स शि॑ङ्क्ते॒ येन॒ गौर॒भिवृ॑ता॒ मिमा॑ति मा॒युं ध्व॒सना॒वधि॑ श्रि॒ता।
सा चि॒त्तिभि॒र्नि हि च॒कार॒ मर्त्या॑न् वि॒द्युद् भव॑न्ती॒ प्रति॑ व॒व्रिमौ॑हत ॥७॥
Roman reading a॒yaṃ sa śi॑ṅkte॒ yena॒ gaura॒bhivṛ॑tā॒ mimā॑ti mā॒yuṃ dhva॒sanā॒vadhi॑ śri॒tā | sā ci॒ttibhi॒rni hi ca॒kāra॒ martyā॑n vi॒dyud bhava॑ntī॒ prati॑ va॒vrimau॑hata || ७ ||
− Simple arth
Project-owned meaning abhi available nahi hai.
Atharvaveda Śaunaka 9.10.8 ◌ EeseDharma mein verified
अ॒नच्छ॑ये तु॒रगा॑तु जी॒वमेज॑द् ध्रु॒वं मध्य॒ आ प॒स्त्याऽनाम्।
जी॒वो मृ॒तस्य॑ चरति स्व॒धाभि॒रम॑र्त्यो॒ मर्त्ये॑ना॒ सयो॑निः ॥८॥
Roman reading a॒naccha॑ye tu॒ragā॑tu jī॒vameja॑d dhru॒vaṃ madhya॒ ā pa॒styā’nām | jī॒vo mṛ॒tasya॑ carati sva॒dhābhi॒rama॑rtyo॒ martye॑nā॒ sayo॑niḥ || ८ ||
− Simple arth
Project-owned meaning abhi available nahi hai.
Atharvaveda Śaunaka 9.10.9 ◌ EeseDharma mein verified
वि॒धुं द॑द्रा॒णं स॑लि॒लस्य॑ पृ॒ष्ठे युवा॑नं॒ सन्तं॑ पलि॒तो ज॑गार ।
दे॒वस्य॑ पश्य॒ काव्यं॑ महि॒त्वाद्य म॒मार॒ स ह्यः समा॑न ॥९॥
Roman reading vi॒dhuṃ da॑drā॒ṇaṃ sa॑li॒lasya॑ pṛ॒ṣṭhe yuvā॑naṃ॒ santaṃ॑ pali॒to ja॑gāra | de॒vasya॑ paśya॒ kāvyaṃ॑ mahi॒tvādya ma॒māra॒ sa hyaḥ samā॑na || ९ ||
− Simple arth
Project-owned meaning abhi available nahi hai.
Atharvaveda Śaunaka 9.10.10 ◌ EeseDharma mein verified
य ईं॑ च॒कार॒ न सो अ॒स्य वे॑द॒ य ईं॑ द॒दर्श॒ हिरु॒गिन्नु तस्मा॑त्।
स मा॒तुर्योना॒ परि॑वीतो अ॒न्तर्ब॑हुप्र॒जा निरृ॑ति॒रा वि॑वेश ॥१०॥
Roman reading ya īṃ॑ ca॒kāra॒ na so a॒sya ve॑da॒ ya īṃ॑ da॒darśa॒ hiru॒ginnu tasmā॑t | sa mā॒turyonā॒ pari॑vīto a॒ntarba॑hupra॒jā nirṛ॑ti॒rā vi॑veśa || १० ||
− Simple arth
Project-owned meaning abhi available nahi hai.
Atharvaveda Śaunaka 9.10.11 ◌ EeseDharma mein verified
अप॑श्यं गो॒पाम॑नि॒पद्य॑मान॒मा च॒ परा॑ च प॒थिभि॒श्चर॑न्तम्।
सस॒ध्रीचीः॒ स विषू॑ची॒र्वसा॑न॒ आ व॑रीवर्ति॒ भुव॑नेष्व॒न्तः ॥११॥
Roman reading apa॑śyaṃ go॒pāma॑ni॒padya॑māna॒mā ca॒ parā॑ ca pa॒thibhi॒ścara॑ntam | sasa॒dhrīcīḥ॒ sa viṣū॑cī॒rvasā॑na॒ ā va॑rīvarti॒ bhuva॑neṣva॒ntaḥ || ११ ||
− Simple arth
Project-owned meaning abhi available nahi hai.
Atharvaveda Śaunaka 9.10.12 ◌ EeseDharma mein verified
द्यौर्नः॑ पि॒ता ज॑नि॒ता नाभि॒रत्र॒ बन्धु॑र्नो मा॒ता पृ॑थि॒वी म॒हीयम्।
उ॒त्ता॒नयो॑श्च॒म्वो॒३र्योनि॑र॒न्तरत्रा॑ पि॒ता दु॑हि॒तुर्गर्भ॒माधा॑त् ॥१२॥
Roman reading dyaurnaḥ॑ pi॒tā ja॑ni॒tā nābhi॒ratra॒ bandhu॑rno mā॒tā pṛ॑thi॒vī ma॒hīyam | u॒ttā॒nayo॑śca॒mvo॒३ryoni॑ra॒ntaratrā॑ pi॒tā du॑hi॒turgarbha॒mādhā॑t || १२ ||
− Simple arth
Project-owned meaning abhi available nahi hai.
Atharvaveda Śaunaka 9.10.13 ◌ EeseDharma mein verified
पृ॒च्छामि॑ त्वा॒ पर॒मन्तं॑ पृथि॒व्याः पृ॒च्छामि॒ वृष्णो॒ अश्व॑स्य॒ रेतः॑ ।
पृ॒च्छामि॒ विश्व॑स्य॒ भुव॑नस्य॒ नाभिं॑ पृ॒च्छामि॑ वा॒चः प॑र॒मं व्योऽम ॥१३॥
Roman reading pṛ॒cchāmi॑ tvā॒ para॒mantaṃ॑ pṛthi॒vyāḥ pṛ॒cchāmi॒ vṛṣṇo॒ aśva॑sya॒ retaḥ॑ | pṛ॒cchāmi॒ viśva॑sya॒ bhuva॑nasya॒ nābhiṃ॑ pṛ॒cchāmi॑ vā॒caḥ pa॑ra॒maṃ vyo’ma || १३ ||
− Simple arth
Project-owned meaning abhi available nahi hai.
Atharvaveda Śaunaka 9.10.14 ◌ EeseDharma mein verified
इ॒यं वेदिः॒ परो॒ अन्तः॑ पृथि॒व्या अ॒यं सोमो॒ वृष्णो॒ अश्व॑स्य॒ रेतः॑ ।
अ॒यं य॒ज्ञो विश्व॑स्य॒ भुव॑नस्य॒ नाभि॑र्ब्र॒ह्मायं वा॒चः प॑र॒मं व्योऽम ॥१४॥
Roman reading i॒yaṃ vediḥ॒ paro॒ antaḥ॑ pṛthi॒vyā a॒yaṃ somo॒ vṛṣṇo॒ aśva॑sya॒ retaḥ॑ | a॒yaṃ ya॒jño viśva॑sya॒ bhuva॑nasya॒ nābhi॑rbra॒hmāyaṃ vā॒caḥ pa॑ra॒maṃ vyo’ma || १४ ||
− Simple arth
Project-owned meaning abhi available nahi hai.
Atharvaveda Śaunaka 9.10.15 ◌ EeseDharma mein verified
न वि जा॑नामि॒ यदि॑वे॒दमस्मि॑ नि॒ण्यः संन॑द्धो॒ मन॑सा चरामि ।
य॒दा माग॑न् प्रथम॒जा ऋ॒तस्यादिद् वा॒चो अ॑श्नुवे भा॒गम॒स्याः ॥१५॥
Roman reading na vi jā॑nāmi॒ yadi॑ve॒damasmi॑ ni॒ṇyaḥ saṃna॑ddho॒ mana॑sā carāmi | ya॒dā māga॑n prathama॒jā ṛ॒tasyādid vā॒co a॑śnuve bhā॒gama॒syāḥ || १५ ||
− Simple arth
Project-owned meaning abhi available nahi hai.
Atharvaveda Śaunaka 9.10.16 ◌ EeseDharma mein verified
अपा॒ङ् प्राङे॑ति स्व॒धया॑ गृभी॒तोऽम॑र्त्यो॒ मर्त्ये॑ना॒ सयो॑निः ।
ता शश्व॑न्ता विषू॒चीना॑ वि॒यन्ता॒ न्य॑१न्यं चि॒क्युर्न नि चि॑क्युर॒न्यम् ॥१६॥
Roman reading apā॒ṅ prāṅe॑ti sva॒dhayā॑ gṛbhī॒to’ma॑rtyo॒ martye॑nā॒ sayo॑niḥ | tā śaśva॑ntā viṣū॒cīnā॑ vi॒yantā॒ nya॑१nyaṃ ci॒kyurna ni ci॑kyura॒nyam || १६ ||
− Simple arth
Project-owned meaning abhi available nahi hai.
Atharvaveda Śaunaka 9.10.17 ◌ EeseDharma mein verified
स॒प्तार्ध॑ग॒र्भा भुव॑नस्य॒ रेतो॒ विष्णो॑स्तिष्ठन्ति प्र॒दिशा॒ विध॑र्मणि ।
ते धी॒तिभि॒र्मन॑सा॒ ते वि॑प॒श्चितः॑ परि॒भुवः॑ परि॑ भवन्ति वि॒श्वतः॑ ॥१७॥
Roman reading sa॒ptārdha॑ga॒rbhā bhuva॑nasya॒ reto॒ viṣṇo॑stiṣṭhanti pra॒diśā॒ vidha॑rmaṇi | te dhī॒tibhi॒rmana॑sā॒ te vi॑pa॒ścitaḥ॑ pari॒bhuvaḥ॑ pari॑ bhavanti vi॒śvataḥ॑ || १७ ||
− Simple arth
Project-owned meaning abhi available nahi hai.
Atharvaveda Śaunaka 9.10.18 ◌ EeseDharma mein verified
ऋ॒चो अ॒क्षरे॑ पर॒मे व्योऽम॒न् यस्मि॑न् दे॒वा अधि॒ विश्वे॑ निषे॒दुः ।
यस्तन्न वेद॒ किमृ॒चा क॑रिष्यति॒ य इत् तद् वि॒दुस्ते अ॒मी समा॑सते ॥१८॥
Roman reading ṛ॒co a॒kṣare॑ para॒me vyo’ma॒n yasmi॑n de॒vā adhi॒ viśve॑ niṣe॒duḥ | yastanna veda॒ kimṛ॒cā ka॑riṣyati॒ ya it tad vi॒duste a॒mī samā॑sate || १८ ||
− Simple arth
Project-owned meaning abhi available nahi hai.
Atharvaveda Śaunaka 9.10.19 ◌ EeseDharma mein verified
ऋ॒चः प॒दं मात्र॑या क॒ल्पय॑न्तोऽर्ध॒र्चेन॑ चाक्लृपु॒र्विश्व॒मेज॑त्।
त्रि॒पाद् ब्रह्म॑ पुरु॒रूपं॒ वि त॑ष्ठे॒ तेन॑ जीवन्ति प्र॒दिश॒श्चत॑स्रः ॥१९॥
Roman reading ṛ॒caḥ pa॒daṃ mātra॑yā ka॒lpaya॑nto’rdha॒rcena॑ cāklṛpu॒rviśva॒meja॑t | tri॒pād brahma॑ puru॒rūpaṃ॒ vi ta॑ṣṭhe॒ tena॑ jīvanti pra॒diśa॒ścata॑sraḥ || १९ ||
− Simple arth
Project-owned meaning abhi available nahi hai.
Atharvaveda Śaunaka 9.10.20 ◌ EeseDharma mein verified
सू॒य॒व॒साद् भग॑वती॒ हि भू॒या अधा॑ व॒यं भग॑वन्तः स्याम ।
अ॒द्धि तृण॑मघ्न्ये विश्व॒दानीं॒ पिब॑ शु॒द्धमु॑द॒कमा॒चर॑न्ती ॥२०॥
Roman reading sū॒ya॒va॒sād bhaga॑vatī॒ hi bhū॒yā adhā॑ va॒yaṃ bhaga॑vantaḥ syāma | a॒ddhi tṛṇa॑maghnye viśva॒dānīṃ॒ piba॑ śu॒ddhamu॑da॒kamā॒cara॑ntī || २० ||
− Simple arth
Project-owned meaning abhi available nahi hai.
Atharvaveda Śaunaka 9.10.21 ◌ EeseDharma mein verified
गौरिन्मि॑माय सलि॒लानि॒ तक्ष॒त्येक॑पदी द्वि॒पदी॒ सा चतु॑ष्पदी ।
अ॒ष्टाप॑दी॒ नव॑पदी बभू॒वुषी॑ स॒हस्रा॑क्षरा॒ भुव॑नस्य प॒ङ्क्तिस्तस्याः॑ समु॒द्रा अधि॒ वि क्ष॑रन्ति ॥२१॥
Roman reading gaurinmi॑māya sali॒lāni॒ takṣa॒tyeka॑padī dvi॒padī॒ sā catu॑ṣpadī | a॒ṣṭāpa॑dī॒ nava॑padī babhū॒vuṣī॑ sa॒hasrā॑kṣarā॒ bhuva॑nasya pa॒ṅktistasyāḥ॑ samu॒drā adhi॒ vi kṣa॑ranti || २१ ||
− Simple arth
Project-owned meaning abhi available nahi hai.
Atharvaveda Śaunaka 9.10.22 ◌ EeseDharma mein verified
कृ॒ष्णं नि॒यानं॒ हर॑यः सुप॒र्णा अ॒पो वसा॑ना॒ दिव॒मुत्प॑तन्ति ।
तं आव॑वृत्र॒न्त्सद॑नादृ॒तस्यादिद् घृ॒तेन॑ पृथि॒वीं व्यूऽदुः ॥२२॥
Roman reading kṛ॒ṣṇaṃ ni॒yānaṃ॒ hara॑yaḥ supa॒rṇā a॒po vasā॑nā॒ diva॒mutpa॑tanti | taṃ āva॑vṛtra॒ntsada॑nādṛ॒tasyādid ghṛ॒tena॑ pṛthi॒vīṃ vyū’duḥ || २२ ||
− Simple arth
Project-owned meaning abhi available nahi hai.
Atharvaveda Śaunaka 9.10.23 ◌ EeseDharma mein verified
अ॒पादे॑ति प्रथ॒मा प॒द्वती॑नां॒ कस्तद् वां॑ मित्रावरु॒णा चि॑केत ।
गर्भो॑ भा॒रं भ॑र॒त्या चि॑दस्या ऋ॒तं पिप॒र्त्यनृ॑तं नि पा॑ति ॥२३॥
Roman reading a॒pāde॑ti pratha॒mā pa॒dvatī॑nāṃ॒ kastad vāṃ॑ mitrāvaru॒ṇā ci॑keta | garbho॑ bhā॒raṃ bha॑ra॒tyā ci॑dasyā ṛ॒taṃ pipa॒rtyanṛ॑taṃ ni pā॑ti || २३ ||
− Simple arth
Project-owned meaning abhi available nahi hai.
Atharvaveda Śaunaka 9.10.24 ◌ EeseDharma mein verified
वि॒राड् वाग् विरा॑ट् पृ॑थि॒वी वि॒राड॒न्तरि॑क्षं वि॒राट् प्र॒जाप॑तिः ।
वि॒राण्मृ॒त्युः सा॒ध्याना॑मधिरा॒जो ब॑भूव॒ तस्य॑ भू॒तं भव्यं॒ वशे॒ स मे॑ भू॒तं भव्यं॒ वशे॑ कृणोतु ॥२४॥
Roman reading vi॒rāḍ vāg virā॑ṭ pṛ॑thi॒vī vi॒rāḍa॒ntari॑kṣaṃ vi॒rāṭ pra॒jāpa॑tiḥ | vi॒rāṇmṛ॒tyuḥ sā॒dhyānā॑madhirā॒jo ba॑bhūva॒ tasya॑ bhū॒taṃ bhavyaṃ॒ vaśe॒ sa me॑ bhū॒taṃ bhavyaṃ॒ vaśe॑ kṛṇotu || २४ ||
− Simple arth
Project-owned meaning abhi available nahi hai.
Atharvaveda Śaunaka 9.10.25 ◌ EeseDharma mein verified
श॒क॒मयं॑ धू॒ममा॒राद॑पश्यं विषू॒वता॑ प॒र ए॒नाव॑रेण ।
उ॒क्षाणं॒ पृश्नि॑मपचन्त वी॒रास्तानि॒ धर्मा॑णि प्रथ॒मान्या॑सन् ॥२५॥
Roman reading śa॒ka॒mayaṃ॑ dhū॒mamā॒rāda॑paśyaṃ viṣū॒vatā॑ pa॒ra e॒nāva॑reṇa | u॒kṣāṇaṃ॒ pṛśni॑mapacanta vī॒rāstāni॒ dharmā॑ṇi pratha॒mānyā॑san || २५ ||
− Simple arth
Project-owned meaning abhi available nahi hai.
Atharvaveda Śaunaka 9.10.26 ◌ EeseDharma mein verified
त्रयः॑ के॒शिन॑ ऋतु॒था वि च॑क्षते संवत्स॒रे व॑पत॒ एक॑ एषाम्।
विश्व॑म॒न्यो अ॑भि॒चष्टे॒ शची॑भि॒र्ध्राजि॒रेक॑स्य ददृशे॒ न रू॒पम् ॥२६॥
Roman reading trayaḥ॑ ke॒śina॑ ṛtu॒thā vi ca॑kṣate saṃvatsa॒re va॑pata॒ eka॑ eṣām | viśva॑ma॒nyo a॑bhi॒caṣṭe॒ śacī॑bhi॒rdhrāji॒reka॑sya dadṛśe॒ na rū॒pam || २६ ||
− Simple arth
Project-owned meaning abhi available nahi hai.
Atharvaveda Śaunaka 9.10.27 ◌ EeseDharma mein verified
च॒त्वारि॒ वाक् परि॑मिता प॒दानि॒ तानि॑ विदुर्ब्राह्म॒णा ये म॑नी॒षिणः॑ ।
गुहा॒ त्रीणि॒ निहि॑ता॒ नेङ्ग॑यन्ति तु॒रीयं॑ वा॒चो म॑नु॒ष्याऽवदन्ति ॥२७॥
Roman reading ca॒tvāri॒ vāk pari॑mitā pa॒dāni॒ tāni॑ vidurbrāhma॒ṇā ye ma॑nī॒ṣiṇaḥ॑ | guhā॒ trīṇi॒ nihi॑tā॒ neṅga॑yanti tu॒rīyaṃ॑ vā॒co ma॑nu॒ṣyā’vadanti || २७ ||
− Simple arth
Project-owned meaning abhi available nahi hai.
Atharvaveda Śaunaka 9.10.28 ◌ EeseDharma mein verified
इन्द्रं॑ मि॒त्रं वरु॑णम॒ग्निमा॑हु॒रथो॑ दि॒व्यः स सु॑प॒र्णो ग॒रुत्मा॑न्।
ए॒कं सद् विप्रा॑ बहु॒धा व॑दन्त्य॒ग्निं य॒मं मा॑त॒रिश्वा॑नमाहुः ॥२८॥
Roman reading indraṃ॑ mi॒traṃ varu॑ṇama॒gnimā॑hu॒ratho॑ di॒vyaḥ sa su॑pa॒rṇo ga॒rutmā॑n | e॒kaṃ sad viprā॑ bahu॒dhā va॑dantya॒gniṃ ya॒maṃ mā॑ta॒riśvā॑namāhuḥ || २८ ||
− Simple arth
Project-owned meaning abhi available nahi hai.
