EeseDharmaSanātana Library
10काण्ड 8 · सूक्त 10
Atharvaveda Śaunaka Kand 8, Sukta 10.
15 shlok२-७ याजुषी जगती, ३, ९ साम्न्यनुष्टुप्, ५ आर्च्यनुष्टुप्, ७, १३ विराड् गायत्री, ११ साम्ननी बृहती।
वि॒राड् वा इ॒दमग्र॑ आसी॒त् तस्या॑ जा॒तायाः॒ सर्व॑मबिभेदि॒यमे॒वेदं भ॑वि॒ष्यतीति॑ ॥१॥
२-७ yājuṣī jagatī, ३, ९ sāmnyanuṣṭup, ५ ārcyanuṣṭup, ७, १३ virāḍ gāyatrī, ११ sāmnanī bṛhatī | vi॒rāḍ vā i॒damagra॑ āsī॒t tasyā॑ jā॒tāyāḥ॒ sarva॑mabibhedi॒yame॒vedaṃ bha॑vi॒ṣyatīti॑ || १ ||
सोद॑क्राम॒त् सा गार्ह॑पत्ये॒ न्यऽक्रामत् ॥२॥
soda॑krāma॒t sā gārha॑patye॒ nya’krāmat || २ ||
गृ॒ह॒मे॒धी गृ॒हप॑तिर्भवति॒ य ए॒वं वेद॑ ॥३॥
gṛ॒ha॒me॒dhī gṛ॒hapa॑tirbhavati॒ ya e॒vaṃ veda॑ || ३ ||
सोद॑क्राम॒त् साह॑व॒नीये॒ न्यऽक्रामत् ॥४॥
soda॑krāma॒t sāha॑va॒nīye॒ nya’krāmat || ४ ||
यन्त्य॑स्य दे॒वा दे॒वहू॑तिं प्रि॒यो दे॒वानां॑ भवति॒ य ए॒वं वेद॑ ॥५॥
yantya॑sya de॒vā de॒vahū॑tiṃ pri॒yo de॒vānāṃ॑ bhavati॒ ya e॒vaṃ veda॑ || ५ ||
सोद॑क्राम॒त् सा द॑क्षिणा॒ग्नौ न्यऽक्रामत् ॥६॥
soda॑krāma॒t sā da॑kṣiṇā॒gnau nya’krāmat || ६ ||
य॒ज्ञर्तो॑ दक्षि॒णीयो॒ वास॑तयो भवति॒ य ए॒वं वेद॑ ॥७॥
ya॒jñarto॑ dakṣi॒ṇīyo॒ vāsa॑tayo bhavati॒ ya e॒vaṃ veda॑ || ७ ||
सोद॑क्राम॒त् सा स॒भायां॒ न्यऽक्रामत् ॥८॥
soda॑krāma॒t sā sa॒bhāyāṃ॒ nya’krāmat || ८ ||
यन्त्य॑स्य स॒भां सभ्यो॑ भवति॒ य ए॒वं वेद॑ ॥९॥
yantya॑sya sa॒bhāṃ sabhyo॑ bhavati॒ ya e॒vaṃ veda॑ || ९ ||
सोदक्राम॒त् सा समि॑तौ॒ न्यऽक्रामत् ॥१०॥
sodakrāma॒t sā sami॑tau॒ nya’krāmat || १० ||
यन्त्य॑स्य॒ समि॑तिं सामि॒त्यो भ॑वति॒ य ए॒वं वेद॑ ॥११॥
yantya॑sya॒ sami॑tiṃ sāmi॒tyo bha॑vati॒ ya e॒vaṃ veda॑ || ११ ||
सोद॑क्राम॒त सामन्त्र॑णे॒ न्यऽक्रामत् ॥१२॥
soda॑krāma॒ta sāmantra॑ṇe॒ nya’krāmat || १२ ||
(६)
यन्त्य॑स्या॒मन्त्र॑णमामन्त्र॒णीयो॑ भवति॒ य ए॒वं वेद॑ ॥१३॥
(६) yantya॑syā॒mantra॑ṇamāmantra॒ṇīyo॑ bhavati॒ ya e॒vaṃ veda॑ || १३ ||
तस्याः॒ सोमो॒ राजा॑ व॒त्स आसी॒च्छन्दः॒ पात्र॑म् ॥१४॥
tasyāḥ॒ somo॒ rājā॑ va॒tsa āsī॒cchandaḥ॒ pātra॑m || १४ ||
तां बृह॒स्पति॑राङ्गिर॒सोऽधो॒क् तां ब्रह्म॑ च॒ तप॑श्चाधोक् ॥१५॥
tāṃ bṛha॒spati॑rāṅgira॒so’dho॒k tāṃ brahma॑ ca॒ tapa॑ścādhok || १५ ||