Atharvaveda Śaunaka 8.1.1◌ EeseDharma mein verified
प्रस्तारपङ्क्तिः, ७ त्रिपदा विराड् गायत्री, ८ विराट् पथ्याबृहती, १२ त्र्यवसाना पञ्चपदा जगती,
१३ त्रिपदा भुरिङ्महाबृहती, १४ एकावसाना द्विपदा साम्नी भुरिग्बृहती।
अन्त॑काय मृ॒त्यवे॒ नमः॑ प्रा॒णा अ॑पा॒ना इ॒ह ते॑ रमन्ताम्।
इ॒हायम॑स्तु॒ पुरु॑षः स॒हासु॑ना॒ सूर्य॑स्य भा॒गे अ॒मृत॑स्य लो॒के ॥१॥
Roman readingprastārapaṅktiḥ, ७ tripadā virāḍ gāyatrī, ८ virāṭ pathyābṛhatī, १२ tryavasānā pañcapadā jagatī,
१३ tripadā bhuriṅmahābṛhatī, १४ ekāvasānā dvipadā sāmnī bhurigbṛhatī | anta॑kāya mṛ॒tyave॒ namaḥ॑ prā॒ṇā a॑pā॒nā i॒ha te॑ ramantām | i॒hāyama॑stu॒ puru॑ṣaḥ sa॒hāsu॑nā॒ sūrya॑sya bhā॒ge a॒mṛta॑sya lo॒ke || १ ||
Project-owned meaning abhi available nahi hai.
Atharvaveda Śaunaka 8.1.2◌ EeseDharma mein verified
उदे॑नं॒ भगो॑ अग्रभी॒दुदे॑नं॒ सोमो॑ अंशु॒मान्।
उदे॑नं म॒रुतो॑ दे॒वा उदि॑न्द्रा॒ग्नी स्व॒स्तये॑ ॥२॥
Roman readingude॑naṃ॒ bhago॑ agrabhī॒dude॑naṃ॒ somo॑ aṃśu॒mān | ude॑naṃ ma॒ruto॑ de॒vā udi॑ndrā॒gnī sva॒staye॑ || २ ||
Project-owned meaning abhi available nahi hai.
Atharvaveda Śaunaka 8.1.3◌ EeseDharma mein verified
इ॒ह तेऽसु॑रि॒ह प्रा॒ण इ॒हायु॑रि॒ह ते॒ मनः॑ ।
उत् त्वा॒ निरृ॑त्याः॒ पाशे॑भ्यो॒ दैव्या॑ वा॒चा भ॑रामसि ॥३॥
Roman readingi॒ha te’su॑ri॒ha prā॒ṇa i॒hāyu॑ri॒ha te॒ manaḥ॑ | ut tvā॒ nirṛ॑tyāḥ॒ pāśe॑bhyo॒ daivyā॑ vā॒cā bha॑rāmasi || ३ ||
Project-owned meaning abhi available nahi hai.
Atharvaveda Śaunaka 8.1.4◌ EeseDharma mein verified
उत् क्रा॒मातः॑ पुरुष॒ माव॑ पत्था मृ॒त्योः पड्वी॑षमवमु॒ञ्चमा॑नः ।
मा च्छि॑त्था अ॒स्माल्लो॒काद॒ग्नेः सूर्य॑स्य सं॒दृशः॑ ॥४॥
Roman readingut krā॒mātaḥ॑ puruṣa॒ māva॑ patthā mṛ॒tyoḥ paḍvī॑ṣamavamu॒ñcamā॑naḥ | mā cchi॑tthā a॒smāllo॒kāda॒gneḥ sūrya॑sya saṃ॒dṛśaḥ॑ || ४ ||
Project-owned meaning abhi available nahi hai.
Atharvaveda Śaunaka 8.1.5◌ EeseDharma mein verified
तुभ्यं॒ वातः॑ पवतां मात॒रिश्वा॒ तुभ्यं॑ वर्षन्त्व॒मृता॒न्यापः॑ ।
सूर्य॑स्ते त॒न्वे॒३शं त॑पाति॒ त्वां मृ॒त्युर्द॑यतां॒ मा प्र मे॑ष्ठाः ॥५॥
Roman readingtubhyaṃ॒ vātaḥ॑ pavatāṃ māta॒riśvā॒ tubhyaṃ॑ varṣantva॒mṛtā॒nyāpaḥ॑ | sūrya॑ste ta॒nve॒३śaṃ ta॑pāti॒ tvāṃ mṛ॒tyurda॑yatāṃ॒ mā pra me॑ṣṭhāḥ || ५ ||
Project-owned meaning abhi available nahi hai.
Atharvaveda Śaunaka 8.1.6◌ EeseDharma mein verified
उ॒द्यानं॑ ते पुरुष॒ नाव॒यानं॑ जी॒वातुं॑ ते॒ दक्ष॑तातिं कृणोमि ।
आ हि रोहे॒मम॒मृतं॑ सु॒खं रथ॒मथ॒ जिर्वि॑र्वि॒दथ॒मा व॑दासि ॥६॥
Roman readingu॒dyānaṃ॑ te puruṣa॒ nāva॒yānaṃ॑ jī॒vātuṃ॑ te॒ dakṣa॑tātiṃ kṛṇomi | ā hi rohe॒mama॒mṛtaṃ॑ su॒khaṃ ratha॒matha॒ jirvi॑rvi॒datha॒mā va॑dāsi || ६ ||
Project-owned meaning abhi available nahi hai.
Atharvaveda Śaunaka 8.1.7◌ EeseDharma mein verified
मा ते॒ मन॒स्तत्र॑ गा॒न्मा ति॒रो भू॒न्मा जी॒वेभ्यः॒ प्र म॑दो॒ मानु॑ गाः पि॒तॄन्।
विश्वे॑ दे॒वा अ॒भि र॑क्षन्तु त्वे॒ह ॥७॥
Roman readingmā te॒ mana॒statra॑ gā॒nmā ti॒ro bhū॒nmā jī॒vebhyaḥ॒ pra ma॑do॒ mānu॑ gāḥ pi॒tṝn | viśve॑ de॒vā a॒bhi ra॑kṣantu tve॒ha || ७ ||
Project-owned meaning abhi available nahi hai.
Atharvaveda Śaunaka 8.1.8◌ EeseDharma mein verified
मा ग॒ताना॒मा दी॑धीथा॒ ये नय॑न्ति परा॒वत॑म्।
आ रो॑ह॒ तम॑सो॒ ज्योति॒रेह्या ते॒ हस्तौ॑ रभामहे ॥८॥
Roman readingmā ga॒tānā॒mā dī॑dhīthā॒ ye naya॑nti parā॒vata॑m | ā ro॑ha॒ tama॑so॒ jyoti॒rehyā te॒ hastau॑ rabhāmahe || ८ ||
Project-owned meaning abhi available nahi hai.
Atharvaveda Śaunaka 8.1.9◌ EeseDharma mein verified
श्या॒मश्च॑ त्वा॒ मा श॒बल॑श्च॒ प्रेषि॑तौ य॒मस्य॒ यौ प॑थि॒रक्षी॒ श्वानौ॑ ।
अ॒र्वाङेहि॒ मा वि दी॑ध्यो॒ मात्र॑ तिष्ठः॒ परा॑ङ्मनाः ॥९॥
Roman readingśyā॒maśca॑ tvā॒ mā śa॒bala॑śca॒ preṣi॑tau ya॒masya॒ yau pa॑thi॒rakṣī॒ śvānau॑ | a॒rvāṅehi॒ mā vi dī॑dhyo॒ mātra॑ tiṣṭhaḥ॒ parā॑ṅmanāḥ || ९ ||
Project-owned meaning abhi available nahi hai.
Atharvaveda Śaunaka 8.1.10◌ EeseDharma mein verified
मैतं पन्था॒मनु॑ गा भी॒म ए॒ष येन॒ पूर्वं॒ नेयथ॒ तं ब्र॑वीमि ।
तम॑ ए॒तत् पु॑रुष॒ मा प्र प॑त्था भ॒यं प॒रस्ता॒दभ॑यं ते अ॒र्वाक् ॥१०॥
Roman readingmaitaṃ panthā॒manu॑ gā bhī॒ma e॒ṣa yena॒ pūrvaṃ॒ neyatha॒ taṃ bra॑vīmi | tama॑ e॒tat pu॑ruṣa॒ mā pra pa॑tthā bha॒yaṃ pa॒rastā॒dabha॑yaṃ te a॒rvāk || १० ||
Project-owned meaning abhi available nahi hai.
Atharvaveda Śaunaka 8.1.11◌ EeseDharma mein verified
रक्ष॑न्तु त्वा॒ग्नयो॒ ये अ॒प्स्व॑१न्ता रक्ष॑तु त्वा मनु॒ष्या॒३ यमि॒न्धते॑ ।
वै॒श्वा॒न॒रो र॑क्षतु जा॒तवे॑दा दि॒व्यस्त्वा॒ मा प्र धा॑ग् वि॒द्युता॑ स॒ह ॥११॥
Roman readingrakṣa॑ntu tvā॒gnayo॒ ye a॒psva॑१ntā rakṣa॑tu tvā manu॒ṣyā॒३ yami॒ndhate॑ | vai॒śvā॒na॒ro ra॑kṣatu jā॒tave॑dā di॒vyastvā॒ mā pra dhā॑g vi॒dyutā॑ sa॒ha || ११ ||
Project-owned meaning abhi available nahi hai.
Atharvaveda Śaunaka 8.1.12◌ EeseDharma mein verified
मा त्वा॑ क्र॒व्याद॒भि मं॑स्ता॒रात् संक॑सुकाच्चर।
रक्ष॑तु त्वा॒ द्यौ रक्ष॑तु पृथि॒वी सूर्य॑श्च त्वा॒ रक्ष॑तां च॒न्द्रमा॑श्च ।
अ॒न्तरि॑क्षं रक्षतु देवहे॒त्याः ॥१२॥
Roman readingmā tvā॑ kra॒vyāda॒bhi maṃ॑stā॒rāt saṃka॑sukāccara | rakṣa॑tu tvā॒ dyau rakṣa॑tu pṛthi॒vī sūrya॑śca tvā॒ rakṣa॑tāṃ ca॒ndramā॑śca | a॒ntari॑kṣaṃ rakṣatu devahe॒tyāḥ || १२ ||
Project-owned meaning abhi available nahi hai.
Atharvaveda Śaunaka 8.1.13◌ EeseDharma mein verified
बो॒धश्च॑ त्वा प्रतिबो॒धश्च॑ रक्षतामस्व॒प्नश्च॑ त्वानवद्रा॒णश्च॑ रक्षताम्।
गो॒पा॒यंश्च॑ त्वा॒ जागृ॑विश्च रक्षताम् ॥१३॥
Roman readingbo॒dhaśca॑ tvā pratibo॒dhaśca॑ rakṣatāmasva॒pnaśca॑ tvānavadrā॒ṇaśca॑ rakṣatām | go॒pā॒yaṃśca॑ tvā॒ jāgṛ॑viśca rakṣatām || १३ ||
Project-owned meaning abhi available nahi hai.
Atharvaveda Śaunaka 8.1.14◌ EeseDharma mein verified
ते त्वा॑ रक्षन्तु॒ ते त्वा॑ गोपायन्तु॒ तेभ्यो॒ नम॒स्तेभ्यः॒ स्वाहा॑ ॥१४॥
Roman readingte tvā॑ rakṣantu॒ te tvā॑ gopāyantu॒ tebhyo॒ nama॒stebhyaḥ॒ svāhā॑ || १४ ||
Project-owned meaning abhi available nahi hai.
Atharvaveda Śaunaka 8.1.15◌ EeseDharma mein verified
जी॒वेभ्य॑स्त्वा स॒मुद्रे॑ वा॒युरिन्द्रो॑ धा॒ता द॑धातु सवि॒ता त्राय॑माणः ।
मा त्वा॑ प्रा॒णो बलं॑ हासी॒दसुं॒ तेऽनु॑ ह्वयामसि ॥१५॥
Roman readingjī॒vebhya॑stvā sa॒mudre॑ vā॒yurindro॑ dhā॒tā da॑dhātu savi॒tā trāya॑māṇaḥ | mā tvā॑ prā॒ṇo balaṃ॑ hāsī॒dasuṃ॒ te’nu॑ hvayāmasi || १५ ||
Project-owned meaning abhi available nahi hai.
Atharvaveda Śaunaka 8.1.16◌ EeseDharma mein verified
मा त्वा॑ ज॒म्भः संह॑नु॒र्मा तमो॑ विद॒न्मा जि॒ह्वा ब॒र्हिः प्र॑म॒युः क॒था स्याः॑ ।
उत् त्वा॑दि॒त्या वस॑वो भर॒न्तूदि॑न्द्रा॒ग्नी स्व॒स्तये॑ ॥१६॥
Roman readingmā tvā॑ ja॒mbhaḥ saṃha॑nu॒rmā tamo॑ vida॒nmā ji॒hvā ba॒rhiḥ pra॑ma॒yuḥ ka॒thā syāḥ॑ | ut tvā॑di॒tyā vasa॑vo bhara॒ntūdi॑ndrā॒gnī sva॒staye॑ || १६ ||
Project-owned meaning abhi available nahi hai.
Atharvaveda Śaunaka 8.1.17◌ EeseDharma mein verified
उत् त्वा॒ द्यौरुत् पृ॑थि॒व्युत् प्र॒जाप॑तिरग्रभीत्।
उत् त्वा॑ मृ॒त्योरोष॑धयः॒ सोम॑राज्ञीरपीपरन् ॥१७॥
Roman readingut tvā॒ dyaurut pṛ॑thi॒vyut pra॒jāpa॑tiragrabhīt | ut tvā॑ mṛ॒tyoroṣa॑dhayaḥ॒ soma॑rājñīrapīparan || १७ ||
Project-owned meaning abhi available nahi hai.
Atharvaveda Śaunaka 8.1.18◌ EeseDharma mein verified
अ॒यं दे॑वा इ॒हैवास्त्व॒यं मामुत्र॑ गादि॒तः ।
इ॒मं स॒हस्र॑वीर्येण मृ॒त्योरुत् पा॑रयामसि ॥१८॥
Roman readinga॒yaṃ de॑vā i॒haivāstva॒yaṃ māmutra॑ gādi॒taḥ | i॒maṃ sa॒hasra॑vīryeṇa mṛ॒tyorut pā॑rayāmasi || १८ ||
Project-owned meaning abhi available nahi hai.
Atharvaveda Śaunaka 8.1.19◌ EeseDharma mein verified
उत् त्वा॑ मृ॒त्योर॑पीपरं॒ सं ध॑मन्तु वयो॒धसः॑ ।
मा त्वा॑ व्यस्तके॒श्यो॒३मा त्वा॑घ॒रुदो॑ रुदन् ॥१९॥
Roman readingut tvā॑ mṛ॒tyora॑pīparaṃ॒ saṃ dha॑mantu vayo॒dhasaḥ॑ | mā tvā॑ vyastake॒śyo॒३mā tvā॑gha॒rudo॑ rudan || १९ ||
Project-owned meaning abhi available nahi hai.
Atharvaveda Śaunaka 8.1.20◌ EeseDharma mein verified
आहा॑र्ष॒मवि॑दं त्वा॒ पुन॒रागाः॒ पुन॑र्णवः ।
सर्वा॑ङ्ग॒ सर्वं॑ ते॒ चक्षुः॒ सर्व॒मायु॑श्च ते ऽविदम् ॥२०॥
Roman readingāhā॑rṣa॒mavi॑daṃ tvā॒ puna॒rāgāḥ॒ puna॑rṇavaḥ | sarvā॑ṅga॒ sarvaṃ॑ te॒ cakṣuḥ॒ sarva॒māyu॑śca te ’vidam || २० ||
Project-owned meaning abhi available nahi hai.
Atharvaveda Śaunaka 8.1.21◌ EeseDharma mein verified
व्यऽवात् ते॒ ज्योति॑रभू॒दप॒ त्वत्तमो॑ अक्रमीत्।
अप॒ त्वन्मृ॒त्युं निरृ॑ति॒मप॒ यक्ष्मं॒ नि द॑ध्मसि ॥२१॥
Roman readingvya’vāt te॒ jyoti॑rabhū॒dapa॒ tvattamo॑ akramīt | apa॒ tvanmṛ॒tyuṃ nirṛ॑ti॒mapa॒ yakṣmaṃ॒ ni da॑dhmasi || २१ ||
Project-owned meaning abhi available nahi hai.
