EeseDharmaSanātana Library
80काण्ड 7 · सूक्त 80
Atharvaveda Śaunaka Kand 7, Sukta 80.
4 shlokपू॒र्णा प॒श्चादु॒त पू॒र्णा पु॒रस्ता॒दुन्म॑ध्य॒तः पौ॑र्णमा॒सी जि॑गाय ।
तस्यां॑ दे॒वैः सं॒वस॑न्तो महि॒त्वा नाक॑स्य पृ॒ष्ठे समि॒षा म॑देम ॥१॥
pū॒rṇā pa॒ścādu॒ta pū॒rṇā pu॒rastā॒dunma॑dhya॒taḥ pau॑rṇamā॒sī ji॑gāya | tasyāṃ॑ de॒vaiḥ saṃ॒vasa॑nto mahi॒tvā nāka॑sya pṛ॒ṣṭhe sami॒ṣā ma॑dema || १ ||
वृ॒ष॒भं वा॒जिनं॑ व॒यं पौ॑र्णमा॒सं य॑जामहे ।
स नो॑ ददा॒त्वक्षि॑तां र॒यिमनु॑पदस्वतीम् ॥२॥
vṛ॒ṣa॒bhaṃ vā॒jinaṃ॑ va॒yaṃ pau॑rṇamā॒saṃ ya॑jāmahe | sa no॑ dadā॒tvakṣi॑tāṃ ra॒yimanu॑padasvatīm || २ ||
प्रजा॑पते॒ न त्वदे॒तान्य॒न्यो विश्वा॑ रू॒पाणि॑ परि॒भूर्ज॑जान ।
यत् का॑मास्ते जुहु॒मस्तन्नो॑ अस्तु व॒यं स्या॑म॒ पत॑यो रयी॒णाम् ॥३॥
prajā॑pate॒ na tvade॒tānya॒nyo viśvā॑ rū॒pāṇi॑ pari॒bhūrja॑jāna | yat kā॑māste juhu॒mastanno॑ astu va॒yaṃ syā॑ma॒ pata॑yo rayī॒ṇām || ३ ||
पौ॒र्ण॒मा॒सी प्र॑थ॒मा य॒ज्ञिया॑सी॒दह्नां॒ रात्री॑णामतिशर्व॒रेषु॑ ।
ये त्वां य॒ज्ञैर्य॑ज्ञिये अ॒र्धय॑न्त्य॒मी ते नाके॑ सु॒कृतः॒ प्रवि॑ष्टाः ॥४॥
pau॒rṇa॒mā॒sī pra॑tha॒mā ya॒jñiyā॑sī॒dahnāṃ॒ rātrī॑ṇāmatiśarva॒reṣu॑ | ye tvāṃ ya॒jñairya॑jñiye a॒rdhaya॑ntya॒mī te nāke॑ su॒kṛtaḥ॒ pravi॑ṣṭāḥ || ४ ||