EeseDharmaSanātana Library
76काण्ड 7 · सूक्त 76
Atharvaveda Śaunaka Kand 7, Sukta 76.
6 shlokआ सु॒स्रसः॑ सु॒स्रसो॒ अस॑तीभ्यो॒ अस॑त्तराः ।
से हो॑रर॒सत॑रा लव॒णाद् विक्ले॑दीयसीः ॥१॥
ā su॒srasaḥ॑ su॒sraso॒ asa॑tībhyo॒ asa॑ttarāḥ | se ho॑rara॒sata॑rā lava॒ṇād vikle॑dīyasīḥ || १ ||
या ग्रैव्या॑ अप॒चितोऽथो॒ या उ॑पप॒क्ष्याः ।
वि॒जाम्नि॒ या अ॑प॒चितः॑ स्वयं॒स्रसः॑ ॥२॥
yā graivyā॑ apa॒cito’tho॒ yā u॑papa॒kṣyāḥ | vi॒jāmni॒ yā a॑pa॒citaḥ॑ svayaṃ॒srasaḥ॑ || २ ||
यः कीक॑साः प्रशृ॒णाति॑ तली॒द्यऽमव॒तिष्ठ॑ति ।
निर्हा॒स्तं सर्वं॑ जा॒यान्यं॒ यः कश्च॑ क॒कुदि॑ श्रि॒तः ॥३॥
yaḥ kīka॑sāḥ praśṛ॒ṇāti॑ talī॒dya’mava॒tiṣṭha॑ti | nirhā॒staṃ sarvaṃ॑ jā॒yānyaṃ॒ yaḥ kaśca॑ ka॒kudi॑ śri॒taḥ || ३ ||
प॒क्षी जा॒यान्यः॑ पतति॒ स आ वि॑शति॒ पूरु॑षम्।
तदक्षि॑तस्य भेष॒जमु॒भयोः॒ सुक्ष॑तस्य च ॥४॥
pa॒kṣī jā॒yānyaḥ॑ patati॒ sa ā vi॑śati॒ pūru॑ṣam | tadakṣi॑tasya bheṣa॒jamu॒bhayoḥ॒ sukṣa॑tasya ca || ४ ||
वि॒द्म वै ते॑ जायान्य॒ जानं॒ यतो॑ जायान्य॒ जाय॑से ।
क॒थं ह॒ तत्र॒ त्वं ह॑नो॒ यस्य॑ कृ॒ण्मो ह॒विर्गृ॒हे ॥५॥
vi॒dma vai te॑ jāyānya॒ jānaṃ॒ yato॑ jāyānya॒ jāya॑se | ka॒thaṃ ha॒ tatra॒ tvaṃ ha॑no॒ yasya॑ kṛ॒ṇmo ha॒virgṛ॒he || ५ ||
धृ॒षत् पि॑ब क॒लशे॒ सोम॑मिन्द्र वृत्र॒हा शू॑र सम॒रे वसू॑नाम्।
माध्य॑न्दिने॒ सव॑न॒ आ वृ॑षस्व रयि॒ष्ठानो॑ र॒यिम॒स्मासु॑ धेहि ॥६॥
dhṛ॒ṣat pi॑ba ka॒laśe॒ soma॑mindra vṛtra॒hā śū॑ra sama॒re vasū॑nām | mādhya॑ndine॒ sava॑na॒ ā vṛ॑ṣasva rayi॒ṣṭhāno॑ ra॒yima॒smāsu॑ dhehi || ६ ||