EeseDharmaSanātana Library
70काण्ड 7 · सूक्त 70
Atharvaveda Śaunaka Kand 7, Sukta 70.
5 shlokयत् किं चा॒सौ मन॑सा॒ यच्च॑ वा॒चा य॒ज्ञैर्जु॒होति॑ ह॒विषा॒ यजु॑षा ।
तन्मृ॒त्युना॒ निरृ॑तिः संविदा॒ना पु॒रा स॒त्यादाहु॑तिं हन्त्वस्य ॥१॥
yat kiṃ cā॒sau mana॑sā॒ yacca॑ vā॒cā ya॒jñairju॒hoti॑ ha॒viṣā॒ yaju॑ṣā | tanmṛ॒tyunā॒ nirṛ॑tiḥ saṃvidā॒nā pu॒rā sa॒tyādāhu॑tiṃ hantvasya || १ ||
या॒तु॒धाना॒ निरृ॑ति॒रादु॒ रक्ष॒स्ते अ॑स्य घ्न॒न्त्वनृ॑तेन स॒त्यम्।
इन्द्रे॑षिता दे॒वा आज्य॑मस्य मथ्नन्तु॒ मा तत् सं पा॑दि॒ यद॒सौ जु॒होति॑ ॥२॥
yā॒tu॒dhānā॒ nirṛ॑ti॒rādu॒ rakṣa॒ste a॑sya ghna॒ntvanṛ॑tena sa॒tyam | indre॑ṣitā de॒vā ājya॑masya mathnantu॒ mā tat saṃ pā॑di॒ yada॒sau ju॒hoti॑ || २ ||
अ॒जि॒रा॒धि॒रा॒जौ श्ये॒नौ सं॑पा॒तिना॑विव ।
आज्यं॑ पृतन्य॒तो ह॑तां॒ यो नः॒ कश्चा॑भ्यघा॒यति॑ ॥३॥
a॒ji॒rā॒dhi॒rā॒jau śye॒nau saṃ॑pā॒tinā॑viva | ājyaṃ॑ pṛtanya॒to ha॑tāṃ॒ yo naḥ॒ kaścā॑bhyaghā॒yati॑ || ३ ||
अपा॑ञ्चौ त उ॒भौ बा॒हू अपि॑ नह्याम्या॒स्यऽम्।
अ॒ग्नेर्दे॒वस्य॑ म॒न्युना॒ तेन॑ तेऽवधिषं ह॒विः ॥४॥
apā॑ñcau ta u॒bhau bā॒hū api॑ nahyāmyā॒sya’m | a॒gnerde॒vasya॑ ma॒nyunā॒ tena॑ te’vadhiṣaṃ ha॒viḥ || ४ ||
अपि॑ नह्यामि ते बा॒हू अपि॑ नह्याम्या॒स्यऽम्।
अ॒ग्नेर्घो॒रस्य॑ म॒न्युना॒ तेन॑ तेऽवधिषं ह॒विः ॥५॥
api॑ nahyāmi te bā॒hū api॑ nahyāmyā॒sya’m | a॒gnergho॒rasya॑ ma॒nyunā॒ tena॑ te’vadhiṣaṃ ha॒viḥ || ५ ||