EeseDharmaSanātana Library
17काण्ड 7 · सूक्त 17
Atharvaveda Śaunaka Kand 7, Sukta 17.
4 shlok१ त्रिपदा आर्षी गायत्री, २ अनुष्टुप्, ३-४ त्रिष्टुप्।
धा॒ता द॑धातु नो र॒यिमीशा॑नो॒ जग॑त॒स्पतिः॑ ।
स नः॑ पू॒र्णेन॑ यच्छतु ॥१॥
१ tripadā ārṣī gāyatrī, २ anuṣṭup, ३-४ triṣṭup | dhā॒tā da॑dhātu no ra॒yimīśā॑no॒ jaga॑ta॒spatiḥ॑ | sa naḥ॑ pū॒rṇena॑ yacchatu || १ ||
धा॒ता द॑धातु दा॒शुषे॒ प्राचीं॑ जी॒वातु॒क्षि॑ताम्।
व॒यं दे॒वस्य॑ धीमहि सुम॒तिं वि॒श्वरा॑धसः ॥२॥
dhā॒tā da॑dhātu dā॒śuṣe॒ prācīṃ॑ jī॒vātu॒kṣi॑tām | va॒yaṃ de॒vasya॑ dhīmahi suma॒tiṃ vi॒śvarā॑dhasaḥ || २ ||
धा॒ता विश्वा॒ वार्या॑ दधातु प्र॒जाका॑माय दा॒शुषे॑ दुरो॒णे।
तस्मै॑ दे॒वाअ॒मृतं॒ सं व्य॑यन्तु॒ विश्वे॑ दे॒वा अदि॑तिः स॒जोषाः॑ ॥३॥
dhā॒tā viśvā॒ vāryā॑ dadhātu pra॒jākā॑māya dā॒śuṣe॑ duro॒ṇe | tasmai॑ de॒vāa॒mṛtaṃ॒ saṃ vya॑yantu॒ viśve॑ de॒vā adi॑tiḥ sa॒joṣāḥ॑ || ३ ||
धा॒ता रा॒तिः स॑वि॒तेदं जु॑षन्तां प्र॒जाप॑तिर्नि॒धिप॑तिर्नो अ॒ग्निः ।
त्वष्टा॒ विष्णुः॑ प्र॒जया॑ संररा॒णो यज॑मानाय॒ द्रवि॑णं दधातु ॥४॥
dhā॒tā rā॒tiḥ sa॑vi॒tedaṃ ju॑ṣantāṃ pra॒jāpa॑tirni॒dhipa॑tirno a॒gniḥ | tvaṣṭā॒ viṣṇuḥ॑ pra॒jayā॑ saṃrarā॒ṇo yaja॑mānāya॒ dravi॑ṇaṃ dadhātu || ४ ||