EeseDharmaSanātana Library
14काण्ड 7 · सूक्त 14
Atharvaveda Śaunaka Kand 7, Sukta 14.
4 shlokअ॒भि त्यं दे॒वं स॑वि॒तार॑मो॒ण्योः क॒विक्र॑तुम्।
अर्चा॑मि स॒त्यस॑वं रत्न॒धाम॒भि प्रि॒यं म॒तिम् ॥१॥
a॒bhi tyaṃ de॒vaṃ sa॑vi॒tāra॑mo॒ṇyoḥ ka॒vikra॑tum | arcā॑mi sa॒tyasa॑vaṃ ratna॒dhāma॒bhi pri॒yaṃ ma॒tim || १ ||
उ॒र्ध्वा यस्या॒मति॒र्भा अदि॑द्युत॒त् सवी॑मनि ।
हिर॑ण्यपाणिरमिमीत सु॒क्रतुः॑ कृ॒पात् स्वः ॥२॥
u॒rdhvā yasyā॒mati॒rbhā adi॑dyuta॒t savī॑mani | hira॑ṇyapāṇiramimīta su॒kratuḥ॑ kṛ॒pāt svaḥ || २ ||
सावी॒र्हि दे॑व प्रथ॒माय॑ पि॒त्रे व॒र्ष्माण॑मस्मै वरि॒माण॑मस्मै ।
अथा॒स्मभ्यं॑ सवित॒र्वार्या॑णि दि॒वोदि॑व॒ आ सु॑वा॒ भूरि॑ प॒श्वः ॥३॥
sāvī॒rhi de॑va pratha॒māya॑ pi॒tre va॒rṣmāṇa॑masmai vari॒māṇa॑masmai | athā॒smabhyaṃ॑ savita॒rvāryā॑ṇi di॒vodi॑va॒ ā su॑vā॒ bhūri॑ pa॒śvaḥ || ३ ||
दमू॑ना दे॒वः स॑वि॒ता वरे॑ण्यो॒ दध॒द् रत्नं॒ दक्षं पि॒तृभ्य॒ आयूं॑षि ।
पिबा॒त् सोमं॑ म॒मद॑देनमि॒ष्टे परि॑ज्मा चित् क्रमते अस्य॒ धर्म॑णि ॥४॥
damū॑nā de॒vaḥ sa॑vi॒tā vare॑ṇyo॒ dadha॒d ratnaṃ॒ dakṣaṃ pi॒tṛbhya॒ āyūṃ॑ṣi | pibā॒t somaṃ॑ ma॒mada॑denami॒ṣṭe pari॑jmā cit kramate asya॒ dharma॑ṇi || ४ ||