EeseDharmaSanātana Library
99काण्ड 6 · सूक्त 99
Atharvaveda Śaunaka Kand 6, Sukta 99.
3 shlokअ॒भि त्वे॑न्द्र॒ वरि॑मतः पु॒रा त्वां॑हूर॒णाद्धु॑वे ।
ह्वया॑म्यु॒ग्रं चे॒त्तारं॑ पु॒रुणा॑मानमेक॒जम् ॥१॥
a॒bhi tve॑ndra॒ vari॑mataḥ pu॒rā tvāṃ॑hūra॒ṇāddhu॑ve | hvayā॑myu॒graṃ ce॒ttāraṃ॑ pu॒ruṇā॑mānameka॒jam || १ ||
यो अ॒द्य सेन्यो॑ व॒धो जिघां॑सन् न उ॒दीर॑ते ।
इन्द्र॑स्य॒ तत्र॑ बा॒हू स॑म॒न्तं परि॑ दद्मः ॥२॥
yo a॒dya senyo॑ va॒dho jighāṃ॑san na u॒dīra॑te | indra॑sya॒ tatra॑ bā॒hū sa॑ma॒ntaṃ pari॑ dadmaḥ || २ ||
परि॑ दद्म॒ इन्द्र॑स्य बा॒हू स॑म॒न्तं त्रा॒तुस्त्राय॑तां नः ।
देव॑ सवितः॒ सोम॑ राजन्त्सु॒मन॑सं मा कृणु स्व॒स्तये॑ ॥३॥
pari॑ dadma॒ indra॑sya bā॒hū sa॑ma॒ntaṃ trā॒tustrāya॑tāṃ naḥ | deva॑ savitaḥ॒ soma॑ rājantsu॒mana॑saṃ mā kṛṇu sva॒staye॑ || ३ ||