EeseDharmaSanātana Library
98काण्ड 6 · सूक्त 98
Atharvaveda Śaunaka Kand 6, Sukta 98.
3 shlokइन्द्रो॑ जयाति॒ न परा॑ जयाता अधिरा॒जो राज॑सु राजयातै ।
च॒र्कृत्य॒ ईड्यो॒ वन्द्य॑श्चोप॒सद्यो॑ नम॒स्योऽभवे॒ह ॥१॥
indro॑ jayāti॒ na parā॑ jayātā adhirā॒jo rāja॑su rājayātai | ca॒rkṛtya॒ īḍyo॒ vandya॑ścopa॒sadyo॑ nama॒syo’bhave॒ha || १ ||
त्वमि॑न्द्राधिरा॒जः श्र॑व॒स्युस्त्वं भू॑र॒भिभू॑ति॒र्जना॑नाम्।
त्वं दैवी॒र्विश॑ इ॒मा वि रा॒जायु॑ष्मत् क्ष॒त्रम॒जरं॑ ते अस्तु ॥२॥
tvami॑ndrādhirā॒jaḥ śra॑va॒syustvaṃ bhū॑ra॒bhibhū॑ti॒rjanā॑nām | tvaṃ daivī॒rviśa॑ i॒mā vi rā॒jāyu॑ṣmat kṣa॒trama॒jaraṃ॑ te astu || २ ||
प्राच्या॑ दि॒शस्त्वमि॑न्द्रासि॒ राजो॒तोदी॑च्या दि॒शो वृ॑त्रहन्छत्रु॒होऽसि ।
यत्र॒ यन्ति॑ स्रो॒त्यास्तज्जि॒तं ते॑ दक्षिण॒तो वृ॑ष॒भ ए॑षि॒ हव्यः॑ ॥३॥
prācyā॑ di॒śastvami॑ndrāsi॒ rājo॒todī॑cyā di॒śo vṛ॑trahanchatru॒ho’si | yatra॒ yanti॑ sro॒tyāstajji॒taṃ te॑ dakṣiṇa॒to vṛ॑ṣa॒bha e॑ṣi॒ havyaḥ॑ || ३ ||