EeseDharmaSanātana Library
97काण्ड 6 · सूक्त 97
Atharvaveda Śaunaka Kand 6, Sukta 97.
3 shlokअ॒भि॒भूर्य॒ज्ञो अ॑भि॒भूर॒ग्निर॑भि॒भूः सोमो॑ अभि॒भूरिन्द्रः॑ ।
अ॒भ्य॑हं विश्वाः॒ पृत॑ना॒ यथासा॑न्ये॒वा वि॑धेमा॒ग्निहो॑त्रा इ॒दं ह॒विः ॥१॥
a॒bhi॒bhūrya॒jño a॑bhi॒bhūra॒gnira॑bhi॒bhūḥ somo॑ abhi॒bhūrindraḥ॑ | a॒bhya॑haṃ viśvāḥ॒ pṛta॑nā॒ yathāsā॑nye॒vā vi॑dhemā॒gniho॑trā i॒daṃ ha॒viḥ || १ ||
स्व॒धास्तु॑ मित्रावरुणा विपश्चिता प्र॒जाव॑त् क्ष॒त्रं मधु॑ने॒ह पि॑न्वतम्।
बाधे॑थां दू॒रं निरृ॑तिं परा॒चैः कृ॒तं चि॒देनः॒ प्र मु॑मुक्तम॒स्मत् ॥२॥
sva॒dhāstu॑ mitrāvaruṇā vipaścitā pra॒jāva॑t kṣa॒traṃ madhu॑ne॒ha pi॑nvatam | bādhe॑thāṃ dū॒raṃ nirṛ॑tiṃ parā॒caiḥ kṛ॒taṃ ci॒denaḥ॒ pra mu॑muktama॒smat || २ ||
इ॒मं वी॒रमनु॑ हर्षध्वमु॒ग्रमिन्द्रं॑ सखायो॒ अनु॒ सं र॑भध्वम्।
ग्रा॒म॒जितं॑ गो॒जितं॒ वज्र॑बाहुं॒ जय॑न्त॒मज्म॑ प्रमृ॒णन्त॒मोज॑सा ॥३॥
i॒maṃ vī॒ramanu॑ harṣadhvamu॒gramindraṃ॑ sakhāyo॒ anu॒ saṃ ra॑bhadhvam | grā॒ma॒jitaṃ॑ go॒jitaṃ॒ vajra॑bāhuṃ॒ jaya॑nta॒majma॑ pramṛ॒ṇanta॒moja॑sā || ३ ||