EeseDharmaSanātana Library
96काण्ड 6 · सूक्त 96
Atharvaveda Śaunaka Kand 6, Sukta 96.
3 shlokया ओष॑धयः॒ सोम॑राज्ञीर्ब॒ह्वीः श॒तवि॑चक्षणाः ।
बृह॒स्पति॑प्रसूता॒स्ता नो॑ मुञ्च॒न्त्वंह॑सः ॥१॥
yā oṣa॑dhayaḥ॒ soma॑rājñīrba॒hvīḥ śa॒tavi॑cakṣaṇāḥ | bṛha॒spati॑prasūtā॒stā no॑ muñca॒ntvaṃha॑saḥ || १ ||
मु॒ञ्चन्तु॑ मा शप॒थ्या॒३दथो॑ वरु॒ण्याऽदु॒त।
अथो॑ य॒मस्य॒ पड्वी॑शाद् विश्व॑स्माद् देवकिल्बि॒षात् ॥२॥
mu॒ñcantu॑ mā śapa॒thyā॒३datho॑ varu॒ṇyā’du॒ta | atho॑ ya॒masya॒ paḍvī॑śād viśva॑smād devakilbi॒ṣāt || २ ||
यच्चक्षु॑षा॒ मन॑सा॒ यच्च॑ वा॒चोपा॑रि॒म जाग्र॑तो॒ यत् स्व॒पन्तः॑ ।
सोम॒स्तानि॑ स्व॒धया॑ नः पुनातु ॥३॥
yaccakṣu॑ṣā॒ mana॑sā॒ yacca॑ vā॒copā॑ri॒ma jāgra॑to॒ yat sva॒pantaḥ॑ | soma॒stāni॑ sva॒dhayā॑ naḥ punātu || ३ ||