EeseDharmaSanātana Library
95काण्ड 6 · सूक्त 95
Atharvaveda Śaunaka Kand 6, Sukta 95.
3 shlokअ॒श्व॒त्थो दे॑व॒सद॑नस्तृ॒तीय॑स्यामि॒तो दि॒वि।
तत्रा॒मृत॑स्य॒ चक्ष॑णं दे॒वाः कुष्ठ॑मवन्वत ॥१॥
a॒śva॒ttho de॑va॒sada॑nastṛ॒tīya॑syāmi॒to di॒vi | tatrā॒mṛta॑sya॒ cakṣa॑ṇaṃ de॒vāḥ kuṣṭha॑mavanvata || १ ||
हि॒र॒ण्ययी॒ नौर॑चर॒द्धिर॑ण्यबन्धना दि॒वि।
तत्रा॒मृत॑स्य॒ पुष्पं॑ दे॒वाः कुष्ठ॑मवन्वत ॥२॥
hi॒ra॒ṇyayī॒ naura॑cara॒ddhira॑ṇyabandhanā di॒vi | tatrā॒mṛta॑sya॒ puṣpaṃ॑ de॒vāḥ kuṣṭha॑mavanvata || २ ||
गर्भो॑ अ॒स्योष॑धीनां॒ गर्भो॑ हि॒मव॑तामु॒त।
गर्भो॒ विश्व॑स्य भू॒तस्ये॒मं मे॑ अग॒दं कृ॑धि ॥३॥
garbho॑ a॒syoṣa॑dhīnāṃ॒ garbho॑ hi॒mava॑tāmu॒ta | garbho॒ viśva॑sya bhū॒tasye॒maṃ me॑ aga॒daṃ kṛ॑dhi || ३ ||