EeseDharmaSanātana Library
94काण्ड 6 · सूक्त 94
Atharvaveda Śaunaka Kand 6, Sukta 94.
3 shlokसं वो॒ मनां॑सि॒ सं व्र॒ता समाकू॑तीर्नमामसि ।
अ॒मी ये विव्र॑ता॒ स्थन॒ तान् वः॒ सं न॑मयामसि ॥१॥
saṃ vo॒ manāṃ॑si॒ saṃ vra॒tā samākū॑tīrnamāmasi | a॒mī ye vivra॑tā॒ sthana॒ tān vaḥ॒ saṃ na॑mayāmasi || १ ||
अ॒हं गृ॑भ्णामि॒ मन॑सा॒ मनां॑सि॒ मम॑ चि॒त्तमनु॑ चि॒त्तेभि॒रेत॑ ।
मम॒ वशे॑षु॒ हृद॑यानि वः कृणोमि॒ मम॑ या॒तमनु॑वर्त्मान॒ एत॑ ॥२॥
a॒haṃ gṛ॑bhṇāmi॒ mana॑sā॒ manāṃ॑si॒ mama॑ ci॒ttamanu॑ ci॒ttebhi॒reta॑ | mama॒ vaśe॑ṣu॒ hṛda॑yāni vaḥ kṛṇomi॒ mama॑ yā॒tamanu॑vartmāna॒ eta॑ || २ ||
ओते॑ मे॒ द्यावा॑पृथि॒वी ओता॑ दे॒वी सर॑स्वती ।
ओतौ॑ म॒ इन्द्र॑श्चा॒ग्निश्च॒र्ध्यास्मे॒दं स॑रस्वति ॥३॥
ote॑ me॒ dyāvā॑pṛthi॒vī otā॑ de॒vī sara॑svatī | otau॑ ma॒ indra॑ścā॒gniśca॒rdhyāsme॒daṃ sa॑rasvati || ३ ||