EeseDharmaSanātana Library
90काण्ड 6 · सूक्त 90
Atharvaveda Śaunaka Kand 6, Sukta 90.
3 shlokयां ते॑ रु॒द्र इषु॒मास्य॒दङ्गे॑भ्यो॒ हृद॑याय च ।
इ॒दं ताम॒द्य त्वद् व॒यं विषू॑चीं॒ वि वृ॑हामसि ॥१॥
yāṃ te॑ ru॒dra iṣu॒māsya॒daṅge॑bhyo॒ hṛda॑yāya ca | i॒daṃ tāma॒dya tvad va॒yaṃ viṣū॑cīṃ॒ vi vṛ॑hāmasi || १ ||
यास्ते॑ श॒तं ध॒मन॒योऽङ्गा॒न्यनु॒ विष्ठि॑ताः ।
तासां॑ ते॒ सर्वा॑सां व॒यं निर्वि॒षाणि॑ ह्वयामसि ॥२॥
yāste॑ śa॒taṃ dha॒mana॒yo’ṅgā॒nyanu॒ viṣṭhi॑tāḥ | tāsāṃ॑ te॒ sarvā॑sāṃ va॒yaṃ nirvi॒ṣāṇi॑ hvayāmasi || २ ||
नम॑स्ते रु॒द्रास्य॑ते॒ नमः॒ प्रति॑हितायै ।
नमो॑ विसृ॒ज्यमा॑नायै॒ नमो॒ निप॑तितायै ॥३॥
nama॑ste ru॒drāsya॑te॒ namaḥ॒ prati॑hitāyai | namo॑ visṛ॒jyamā॑nāyai॒ namo॒ nipa॑titāyai || ३ ||