EeseDharmaSanātana Library
88काण्ड 6 · सूक्त 88
Atharvaveda Śaunaka Kand 6, Sukta 88.
3 shlokध्रु॒वा द्यौर्ध्रु॒वा पृ॑थि॒वी ध्रु॒वं विश्व॑मि॒दं जग॑त्।
ध्रु॒वासः॒ पर्व॑ता इ॒मे ध्रु॒वो राजा॑ वि॒शाम॒यम् ॥१॥
dhru॒vā dyaurdhru॒vā pṛ॑thi॒vī dhru॒vaṃ viśva॑mi॒daṃ jaga॑t | dhru॒vāsaḥ॒ parva॑tā i॒me dhru॒vo rājā॑ vi॒śāma॒yam || १ ||
ध्रु॒वं ते॒ राजा॒ वरु॑णो ध्रु॒वं दे॒वो बृह॒स्पतिः॑ ।
ध्रु॒वं त॒ इन्द्र॑श्चा॒ग्निश्च॑ रा॒ष्ट्रं धा॑रयतां ध्रु॒वम् ॥२॥
dhru॒vaṃ te॒ rājā॒ varu॑ṇo dhru॒vaṃ de॒vo bṛha॒spatiḥ॑ | dhru॒vaṃ ta॒ indra॑ścā॒gniśca॑ rā॒ṣṭraṃ dhā॑rayatāṃ dhru॒vam || २ ||
ध्रु॒वोऽच्यु॑तः॒ प्र मृ॑णीहि॒ शत्रू॑न्छत्रूय॒तोऽध॑रान् पादयस्व ।
सर्वा॒ दिशः॒ संम॑नसः स॒ध्रीची॑र्ध्रु॒वाय॑ ते॒ समि॑तिः कल्पतामि॒ह ॥३॥
dhru॒vo’cyu॑taḥ॒ pra mṛ॑ṇīhi॒ śatrū॑nchatrūya॒to’dha॑rān pādayasva | sarvā॒ diśaḥ॒ saṃma॑nasaḥ sa॒dhrīcī॑rdhru॒vāya॑ te॒ sami॑tiḥ kalpatāmi॒ha || ३ ||