EeseDharmaSanātana Library
87काण्ड 6 · सूक्त 87
Atharvaveda Śaunaka Kand 6, Sukta 87.
3 shlokआ त्वा॑हार्षम॒न्तर॑भूर्ध्रु॒वस्ति॒ष्ठावि॑चाचलत्।
विश॑स्त्वा॒ सर्वा॑ वाञ्छन्तु॒ मा त्वद् रा॒ष्ट्रमधि॑ भ्रशत् ॥१॥
ā tvā॑hārṣama॒ntara॑bhūrdhru॒vasti॒ṣṭhāvi॑cācalat | viśa॑stvā॒ sarvā॑ vāñchantu॒ mā tvad rā॒ṣṭramadhi॑ bhraśat || १ ||
इ॒हैवैधि॒ माप॑ च्योष्ठाः॒ पर्व॑त इ॒वावि॑चाचलत्।
इन्द्र॑ इवे॒ह ध्रु॒वस्ति॑ष्ठे॒ह रा॒ष्ट्रमु॑ धारय ॥२॥
i॒haivaidhi॒ māpa॑ cyoṣṭhāḥ॒ parva॑ta i॒vāvi॑cācalat | indra॑ ive॒ha dhru॒vasti॑ṣṭhe॒ha rā॒ṣṭramu॑ dhāraya || २ ||
इन्द्र॑ ए॒तम॑दीधरत् ध्रु॒वं ध्रु॒वेण॑ ह॒विषा॑ ।
तस्मै॒ सोमो॒ अधि॑ ब्रवद॒यं च॒ ब्रह्म॑ण॒स्पतिः॑ ॥३॥
indra॑ e॒tama॑dīdharat dhru॒vaṃ dhru॒veṇa॑ ha॒viṣā॑ | tasmai॒ somo॒ adhi॑ bravada॒yaṃ ca॒ brahma॑ṇa॒spatiḥ॑ || ३ ||