EeseDharmaSanātana Library
83काण्ड 6 · सूक्त 83
Atharvaveda Śaunaka Kand 6, Sukta 83.
4 shlokअप॑चितः॒ प्र प॑तत सुप॒र्णो व॑स॒तेरि॑व ।
सूर्यः॑ कृ॒णोतु॑ भेष॒जं च॒न्द्रमा॒ वोऽपो॑च्छतु ॥१॥
apa॑citaḥ॒ pra pa॑tata supa॒rṇo va॑sa॒teri॑va | sūryaḥ॑ kṛ॒ṇotu॑ bheṣa॒jaṃ ca॒ndramā॒ vo’po॑cchatu || १ ||
एन्येका॒ श्येन्येका॑ कृ॒ष्णैका॒ रोहि॑णी॒ द्वे।
सर्वा॑सामग्रभं॒ नामावी॑रघ्नी॒रपे॑तन ॥२॥
enyekā॒ śyenyekā॑ kṛ॒ṣṇaikā॒ rohi॑ṇī॒ dve | sarvā॑sāmagrabhaṃ॒ nāmāvī॑raghnī॒rape॑tana || २ ||
अ॒सूति॑का रामाय॒ण्यऽप॒चित् प्र प॑तिष्यति ।
ग्लरि॒तः प्र प॑तिष्यति॒ स ग॑लु॒न्तो न॑शिष्यति ॥३॥
a॒sūti॑kā rāmāya॒ṇya’pa॒cit pra pa॑tiṣyati | glari॒taḥ pra pa॑tiṣyati॒ sa ga॑lu॒nto na॑śiṣyati || ३ ||
वी॒हि स्वामाहु॑तिं जुषा॒णो मन॑सा॒ स्वाहा॒ मन॑सा॒ यदि॒दं जु॒होमि॑ ॥४॥
vī॒hi svāmāhu॑tiṃ juṣā॒ṇo mana॑sā॒ svāhā॒ mana॑sā॒ yadi॒daṃ ju॒homi॑ || ४ ||