EeseDharmaSanātana Library
82काण्ड 6 · सूक्त 82
Atharvaveda Śaunaka Kand 6, Sukta 82.
3 shlokआ॒गच्छ॑त॒ आग॑तस्य॒ नाम॑ गृह्णाम्याय॒तः ।
इन्द्र॑स्य वृत्र॒घ्नो व॑न्वे वास॒वस्य॑ श॒तक्र॑तोः ॥१॥
ā॒gaccha॑ta॒ āga॑tasya॒ nāma॑ gṛhṇāmyāya॒taḥ | indra॑sya vṛtra॒ghno va॑nve vāsa॒vasya॑ śa॒takra॑toḥ || १ ||
येन॑ सू॒र्यां सा॑वि॒त्रीम॒श्विनो॒हतुः॑ प॒था।
तेन॒ माम॑ब्रवी॒द् भगो॑ जा॒यामा व॑हता॒दिति॑ ॥२॥
yena॑ sū॒ryāṃ sā॑vi॒trīma॒śvino॒hatuḥ॑ pa॒thā | tena॒ māma॑bravī॒d bhago॑ jā॒yāmā va॑hatā॒diti॑ || २ ||
यस्ते॑ऽङ्कु॒शो व॑सु॒दानो॑ बृ॒हन्नि॑न्द्र हिर॒ण्ययः॑ ।
तेना॑ जनीय॒ते जा॒यां मह्यं॑ धेहि शचीपते ॥३॥
yaste॑’ṅku॒śo va॑su॒dāno॑ bṛ॒hanni॑ndra hira॒ṇyayaḥ॑ | tenā॑ janīya॒te jā॒yāṃ mahyaṃ॑ dhehi śacīpate || ३ ||