EeseDharmaSanātana Library
8काण्ड 6 · सूक्त 8
Atharvaveda Śaunaka Kand 6, Sukta 8.
3 shlokयथा॑ वृ॒क्षं लिबु॑जा सम॒न्तं प॑रिषस्व॒जे।
ए॒वा परि॑ ष्वजस्व॒ मां यथा॒ मां का॒मिन्यसो॒ यथा॒ मन्नाप॑गा॒ असः॑ ॥१॥
yathā॑ vṛ॒kṣaṃ libu॑jā sama॒ntaṃ pa॑riṣasva॒je | e॒vā pari॑ ṣvajasva॒ māṃ yathā॒ māṃ kā॒minyaso॒ yathā॒ mannāpa॑gā॒ asaḥ॑ || १ ||
यथा॑ सुप॒र्णः प्र॒पत॑न् प॒क्षौ नि॒हन्ति॒ भूम्या॑म्।
ए॒वा नि ह॑न्मि ते॒ मनो॒ यथा॒ मां का॒मिन्यसो॒ यथा॒ मन्नाप॑गा॒ असः॑ ॥२॥
yathā॑ supa॒rṇaḥ pra॒pata॑n pa॒kṣau ni॒hanti॒ bhūmyā॑m | e॒vā ni ha॑nmi te॒ mano॒ yathā॒ māṃ kā॒minyaso॒ yathā॒ mannāpa॑gā॒ asaḥ॑ || २ ||
यथे॒मे द्यावा॑पृथि॒वी स॒द्यः प॒र्येति॒ सूर्यः॑ ।
ए॒वा पर्ये॑मि ते॒ मनो॒ यथा॒ मां का॒मिन्यसो॒ यथा॒ मन्नाप॑गा॒ असः॑ ॥३॥
yathe॒me dyāvā॑pṛthi॒vī sa॒dyaḥ pa॒ryeti॒ sūryaḥ॑ | e॒vā parye॑mi te॒ mano॒ yathā॒ māṃ kā॒minyaso॒ yathā॒ mannāpa॑gā॒ asaḥ॑ || ३ ||