EeseDharmaSanātana Library
78काण्ड 6 · सूक्त 78
Atharvaveda Śaunaka Kand 6, Sukta 78.
3 shlokतेन॑ भू॒तेन॑ ह॒विषा॒यमा प्या॑यतां॑ पुनः॑ ।
जा॒यां याम॑स्मा॒ आवा॑क्षु॒स्तां रसे॑ना॒भि व॑र्धताम् ॥१॥
tena॑ bhū॒tena॑ ha॒viṣā॒yamā pyā॑yatāṃ॑ punaḥ॑ | jā॒yāṃ yāma॑smā॒ āvā॑kṣu॒stāṃ rase॑nā॒bhi va॑rdhatām || १ ||
अ॒भि व॑र्धतां॒ पय॑सा॒भि रा॒ष्ट्रेण॑ वर्धताम्।
र॒य्या स॒हस्र॑वर्चसे॒मौ स्तामनु॑पक्षितौ ॥२॥
a॒bhi va॑rdhatāṃ॒ paya॑sā॒bhi rā॒ṣṭreṇa॑ vardhatām | ra॒yyā sa॒hasra॑varcase॒mau stāmanu॑pakṣitau || २ ||
त्वष्टा॑ जा॒याम॑जनय॒त् त्वष्टा॑स्यै॒ त्वां पति॑म्।
त्वष्टा॑ स॒हस्र॒मायूं॑षि दी॒र्घमायुः॑ कृणोतु वाम् ॥३॥
tvaṣṭā॑ jā॒yāma॑janaya॒t tvaṣṭā॑syai॒ tvāṃ pati॑m | tvaṣṭā॑ sa॒hasra॒māyūṃ॑ṣi dī॒rghamāyuḥ॑ kṛṇotu vām || ३ ||