EeseDharmaSanātana Library
77काण्ड 6 · सूक्त 77
Atharvaveda Śaunaka Kand 6, Sukta 77.
3 shlokअस्था॒द् द्यौरस्था॑त् पृथि॒व्यस्था॒द् विश्व॑मि॒दं जग॑त्।
आ॒स्थाने॒ पर्व॑ता अस्थु॒ स्थाम्न्यश्वां॑ अतिष्ठिपम् ॥१॥
asthā॒d dyaurasthā॑t pṛthi॒vyasthā॒d viśva॑mi॒daṃ jaga॑t | ā॒sthāne॒ parva॑tā asthu॒ sthāmnyaśvāṃ॑ atiṣṭhipam || १ ||
य उ॒दान॑ट् प॒राय॑णं॒ य उ॒दान॒ण् न्याय॑नम्।
आ॒वर्त॑नं नि॒वर्त॑नं॒ यो गो॒पा अपि॒ तं हु॑वे ॥२॥
ya u॒dāna॑ṭ pa॒rāya॑ṇaṃ॒ ya u॒dāna॒ṇ nyāya॑nam | ā॒varta॑naṃ ni॒varta॑naṃ॒ yo go॒pā api॒ taṃ hu॑ve || २ ||
जात॑वेदो॒ नि व॑र्तय श॒तं ते॑ सन्त्वा॒वतः॑ ।
स॒हस्रं॑ त उपा॒वृत॒स्तभि॑र्नः॒ पुन॒रा कृ॑धि ॥३॥
jāta॑vedo॒ ni va॑rtaya śa॒taṃ te॑ santvā॒vataḥ॑ | sa॒hasraṃ॑ ta upā॒vṛta॒stabhi॑rnaḥ॒ puna॒rā kṛ॑dhi || ३ ||