EeseDharmaSanātana Library
76काण्ड 6 · सूक्त 76
Atharvaveda Śaunaka Kand 6, Sukta 76.
4 shlokय ए॑नं परि॒षीद॑न्ति समा॒दध॑ति॒ चक्ष॑से ।
सं॒प्रेद्धो॑ अ॒ग्निर्जि॒ह्वाभि॒रुदे॑तु॒ हृद॑या॒दधि॑ ॥१॥
ya e॑naṃ pari॒ṣīda॑nti samā॒dadha॑ti॒ cakṣa॑se | saṃ॒preddho॑ a॒gnirji॒hvābhi॒rude॑tu॒ hṛda॑yā॒dadhi॑ || १ ||
अ॒ग्नेः सा॑न्तप॒नस्या॒हमायु॑षे प॒दमा र॑भे ।
अ॒द्धा॒तिर्यस्य॒ पश्य॑ति धू॒ममु॒द्यन्त॑मास्य॒तः ॥२॥
a॒gneḥ sā॑ntapa॒nasyā॒hamāyu॑ṣe pa॒damā ra॑bhe | a॒ddhā॒tiryasya॒ paśya॑ti dhū॒mamu॒dyanta॑māsya॒taḥ || २ ||
यो अ॑स्य स॒मिधं॒ वेद॑ क्ष॒त्रिये॑ण स॒माहि॑ताम्।
नाभि॑ह्वा॒रे प॒दं नि द॑धाति॒ स मृ॒त्यवे॑ ॥३॥
yo a॑sya sa॒midhaṃ॒ veda॑ kṣa॒triye॑ṇa sa॒māhi॑tām | nābhi॑hvā॒re pa॒daṃ ni da॑dhāti॒ sa mṛ॒tyave॑ || ३ ||
नैनं घ्नन्ति पर्या॒यिणो॒ न स॒न्नाँ अव॑ गच्छति ।
अ॒ग्नेर्यः क्ष॒त्रियो॑ वि॒द्वान् नाम॑ गृ॒ह्णात्यायु॑षे ॥४॥
nainaṃ ghnanti paryā॒yiṇo॒ na sa॒nnām̐ ava॑ gacchati | a॒gneryaḥ kṣa॒triyo॑ vi॒dvān nāma॑ gṛ॒hṇātyāyu॑ṣe || ४ ||