EeseDharmaSanātana Library
75काण्ड 6 · सूक्त 75
Atharvaveda Śaunaka Kand 6, Sukta 75.
3 shlokनिर॒मुं नु॑द॒ ओक॑सः स॒पत्नो॒ यः पृ॑त॒न्यति॑ ।
नै॒र्बा॒ध्येऽन ह॒विषेन्द्र॑ एनं॒ परा॑शरीत् ॥१॥
nira॒muṃ nu॑da॒ oka॑saḥ sa॒patno॒ yaḥ pṛ॑ta॒nyati॑ | nai॒rbā॒dhye’na ha॒viṣendra॑ enaṃ॒ parā॑śarīt || १ ||
प॒र॒मां तं प॑रा॒वत॒मिन्द्रो॑ नुदतु वृत्र॒हा।
यतो॒ न पुन॒राय॑ति शश्व॒तीभ्यः॒ समा॑भ्यः ॥२॥
pa॒ra॒māṃ taṃ pa॑rā॒vata॒mindro॑ nudatu vṛtra॒hā | yato॒ na puna॒rāya॑ti śaśva॒tībhyaḥ॒ samā॑bhyaḥ || २ ||
एतु॑ ति॒स्रः प॑रा॒वत॒ एतु॒ पञ्च॒ जनाँ॒ अति॑ ।
एतु॑ ति॒स्रोऽति॑ रोच॒ना यतो॒ न पुन॒राय॑ति ।
शश्व॒तीभ्यः॒ समा॑भ्यो॒ यावत् सूर्यो॒ अस॑द् दि॒वि ॥३॥
etu॑ ti॒sraḥ pa॑rā॒vata॒ etu॒ pañca॒ janām॒̐ ati॑ | etu॑ ti॒sro’ti॑ roca॒nā yato॒ na puna॒rāya॑ti | śaśva॒tībhyaḥ॒ samā॑bhyo॒ yāvat sūryo॒ asa॑d di॒vi || ३ ||