EeseDharmaSanātana Library
74काण्ड 6 · सूक्त 74
Atharvaveda Śaunaka Kand 6, Sukta 74.
3 shlokसं वः॑ पृच्यन्तां त॒न्वः॑१ सं मनां॑सि॒ समु॑ व्र॒ता।
सं वोऽयं ब्रह्म॑ण॒स्पति॒र्भगः॑ सं वो॑ अजीगमत् ॥१॥
saṃ vaḥ॑ pṛcyantāṃ ta॒nvaḥ॑१ saṃ manāṃ॑si॒ samu॑ vra॒tā | saṃ vo’yaṃ brahma॑ṇa॒spati॒rbhagaḥ॑ saṃ vo॑ ajīgamat || १ ||
सं॒ज्ञप॑नं वो॒ मन॒सोऽथो॑ सं॒ज्ञप॑नं हृ॒दः ।
अथो॒ भग॑स्य॒ यच्छ्रा॒न्तं तेन॒ संज्ञ॑पयामि वः ॥२॥
saṃ॒jñapa॑naṃ vo॒ mana॒so’tho॑ saṃ॒jñapa॑naṃ hṛ॒daḥ | atho॒ bhaga॑sya॒ yacchrā॒ntaṃ tena॒ saṃjña॑payāmi vaḥ || २ ||
यथा॑दि॒त्या वसु॑भिः संबभू॒वुर्म॒रुद्भि॑रु॒ग्रा अहृ॑णीयमानाः ।
एवा त्रि॑णाम॒न्नहृ॑णीयमान इ॒मान् जना॒न्त्संम॑नसस्कृधी॒ह ॥३॥
yathā॑di॒tyā vasu॑bhiḥ saṃbabhū॒vurma॒rudbhi॑ru॒grā ahṛ॑ṇīyamānāḥ | evā tri॑ṇāma॒nnahṛ॑ṇīyamāna i॒mān janā॒ntsaṃma॑nasaskṛdhī॒ha || ३ ||