EeseDharmaSanātana Library
73काण्ड 6 · सूक्त 73
Atharvaveda Śaunaka Kand 6, Sukta 73.
3 shlokएह या॑तु॒ वरु॑णः॒ सोमो॑ अ॒ग्निर्बृह॒स्पति॒र्वसु॑भि॒रेह या॑तु ।
अ॒स्य श्रिय॑मुप॒संया॑त॒ सर्व॑ उ॒ग्रस्य॑ चे॒त्तुः संम॑नसः सजाताः ॥१॥
eha yā॑tu॒ varu॑ṇaḥ॒ somo॑ a॒gnirbṛha॒spati॒rvasu॑bhi॒reha yā॑tu | a॒sya śriya॑mupa॒saṃyā॑ta॒ sarva॑ u॒grasya॑ ce॒ttuḥ saṃma॑nasaḥ sajātāḥ || १ ||
यो वः॒ शुष्मो॒ हृद॑येष्व॒न्तराकू॑ति॒र्या वो॒ मन॑सि॒ प्रवि॑ष्टा ।
तान्त्सी॑वयामि ह॒विषा॑ घृ॒तेन॒ मयि॑ सजाता र॒मति॑र्वो अस्तु ॥२॥
yo vaḥ॒ śuṣmo॒ hṛda॑yeṣva॒ntarākū॑ti॒ryā vo॒ mana॑si॒ pravi॑ṣṭā | tāntsī॑vayāmi ha॒viṣā॑ ghṛ॒tena॒ mayi॑ sajātā ra॒mati॑rvo astu || २ ||
इ॒हैव स्त॒ माप॑ या॒ताध्य॒स्मत् पू॒षा प॒रस्ता॒दप॑थं वः कृणोतु ।
वास्तो॒ष्पति॒रनु॑ वो जोहवीतु॒ मयि॑ सजाता र॒मति॑र्वो अस्तु ॥३॥
i॒haiva sta॒ māpa॑ yā॒tādhya॒smat pū॒ṣā pa॒rastā॒dapa॑thaṃ vaḥ kṛṇotu | vāsto॒ṣpati॒ranu॑ vo johavītu॒ mayi॑ sajātā ra॒mati॑rvo astu || ३ ||