EeseDharmaSanātana Library
72काण्ड 6 · सूक्त 72
Atharvaveda Śaunaka Kand 6, Sukta 72.
3 shlokयथा॑सि॒तः प्र॒थय॑ते॒ वशाँ॒ अनु॒ वपूं॑षि कृ॒ण्वन्नसु॑रस्य मा॒यया॑ ।
ए॒वा ते॒ शेपः॒ सह॑सा॒यम॒र्कोऽङ्गे॒नाङ्गं॒ संस॑मकं कृणोतु ॥१॥
yathā॑si॒taḥ pra॒thaya॑te॒ vaśām॒̐ anu॒ vapūṃ॑ṣi kṛ॒ṇvannasu॑rasya mā॒yayā॑ | e॒vā te॒ śepaḥ॒ saha॑sā॒yama॒rko’ṅge॒nāṅgaṃ॒ saṃsa॑makaṃ kṛṇotu || १ ||
यथा॒ पस॑स्तायाद॒रं वाते॑न स्थूल॒भं कृ॒तम्।
याव॒त् पर॑स्वतः॒ पस॒स्ताव॒त् ते वर्धतां॒ पसः॑ ॥२॥
yathā॒ pasa॑stāyāda॒raṃ vāte॑na sthūla॒bhaṃ kṛ॒tam | yāva॒t para॑svataḥ॒ pasa॒stāva॒t te vardhatāṃ॒ pasaḥ॑ || २ ||
या॒व॒द॒ङ्गीनं॒ पार॑स्वतं॒ हास्ति॑नं॒ गार्द॑भं च॒ यत्।
याव॒दश्वस्य वा॒जिन॒स्ताव॑त् ते वर्धतां॒ पसः॑ ॥३॥
yā॒va॒da॒ṅgīnaṃ॒ pāra॑svataṃ॒ hāsti॑naṃ॒ gārda॑bhaṃ ca॒ yat | yāva॒daśvasya vā॒jina॒stāva॑t te vardhatāṃ॒ pasaḥ॑ || ३ ||