EeseDharmaSanātana Library
71काण्ड 6 · सूक्त 71
Atharvaveda Śaunaka Kand 6, Sukta 71.
3 shlokयदन्न॒मद्मि॑ बहु॒धा विरू॑पं॒ हिर॑ण्य॒मश्व॑मु॒त गाम॒जामवि॑म्।
यदे॒व किं च॑ प्रतिज॒ग्रहाह॑म॒ग्निष्टद्धोता॒ सुहु॑तं कृनोतु ॥१॥
yadanna॒madmi॑ bahu॒dhā virū॑paṃ॒ hira॑ṇya॒maśva॑mu॒ta gāma॒jāmavi॑m | yade॒va kiṃ ca॑ pratija॒grahāha॑ma॒gniṣṭaddhotā॒ suhu॑taṃ kṛnotu || १ ||
यन्मा॑ हु॒तमहु॑तमाज॒गाम॑ द॒त्तं पि॒तृभि॒रनु॑मतं मनु॒ष्यैः ।
यस्मा॑न्मे॒ मन॒ उदि॑व॒ रार॑जीत्य॒ग्निष्टद्धोता॒ सुहु॑तं कृणोतु ॥२॥
yanmā॑ hu॒tamahu॑tamāja॒gāma॑ da॒ttaṃ pi॒tṛbhi॒ranu॑mataṃ manu॒ṣyaiḥ | yasmā॑nme॒ mana॒ udi॑va॒ rāra॑jītya॒gniṣṭaddhotā॒ suhu॑taṃ kṛṇotu || २ ||
यदन्न॒मद्म्यनृ॑तेन देवा दा॒स्यन्नदा॑स्यन्नु॒त सं॑गृ॒णामि॑ ।
वै॒श्वा॒न॒रस्य॑ मह॒तो म॑हि॒म्ना शि॒वं मह्यं॒ मधु॑मद॒स्त्वन्न॑म् ॥३॥
yadanna॒madmyanṛ॑tena devā dā॒syannadā॑syannu॒ta saṃ॑gṛ॒ṇāmi॑ | vai॒śvā॒na॒rasya॑ maha॒to ma॑hi॒mnā śi॒vaṃ mahyaṃ॒ madhu॑mada॒stvanna॑m || ३ ||