EeseDharmaSanātana Library
68काण्ड 6 · सूक्त 68
Atharvaveda Śaunaka Kand 6, Sukta 68.
3 shlokआयम॑गन्त्सवि॒ता क्षु॒रेणो॒ष्णेन॑ वाय उद॒केनेहि॑ ।
आ॒दि॒त्या रु॒द्रा वस॑व उन्दन्तु॒ सचे॑तसः॒ सोम॑स्य॒ राज्ञो॑ वपत॒ प्रचे॑तसः ॥१॥
āyama॑gantsavi॒tā kṣu॒reṇo॒ṣṇena॑ vāya uda॒kenehi॑ | ā॒di॒tyā ru॒drā vasa॑va undantu॒ sace॑tasaḥ॒ soma॑sya॒ rājño॑ vapata॒ prace॑tasaḥ || १ ||
अदि॑तिः॒ श्मश्रु॑ वप॒त्वाप॑ उन्दन्तु॒ वर्च॑सा ।
चिकि॑त्सतु प्र॒जाप॑तिर्दीर्घायु॒त्वाय॒ चक्ष॑से ॥२॥
adi॑tiḥ॒ śmaśru॑ vapa॒tvāpa॑ undantu॒ varca॑sā | ciki॑tsatu pra॒jāpa॑tirdīrghāyu॒tvāya॒ cakṣa॑se || २ ||
येनाव॑पत् सवि॒ता क्षु॒रेण॒ सोम॑स्य॒ राज्ञो॒ वरु॑णस्य वि॒द्वान्।
तेन॑ ब्रह्माणो वपते॒दम॒स्य गोमा॒नश्व॑वान॒यम॑स्तु प्र॒जावा॑न् ॥३॥
yenāva॑pat savi॒tā kṣu॒reṇa॒ soma॑sya॒ rājño॒ varu॑ṇasya vi॒dvān | tena॑ brahmāṇo vapate॒dama॒sya gomā॒naśva॑vāna॒yama॑stu pra॒jāvā॑n || ३ ||