EeseDharmaSanātana Library
66काण्ड 6 · सूक्त 66
Atharvaveda Śaunaka Kand 6, Sukta 66.
3 shlokनिर्ह॑स्तः शत्रु॑रभि॒दास॑न्नस्तु॒ ये सेना॑भि॒र्युध॑मा॒यन्त्य॒स्मान्।
सम॑र्पयेन्द्र मह॒ता व॒धेन॒ द्रात्वे॑षामघहा॒रो विवि॑द्धः ॥१॥
nirha॑staḥ śatru॑rabhi॒dāsa॑nnastu॒ ye senā॑bhi॒ryudha॑mā॒yantya॒smān | sama॑rpayendra maha॒tā va॒dhena॒ drātve॑ṣāmaghahā॒ro vivi॑ddhaḥ || १ ||
आ॒त॒न्वा॒ना आ॒यच्छ॒न्तोऽस्य॑न्तो॒ ये च॒ धाव॑थ ।
निर्ह॑स्ताः शत्रवः स्थ॒नेन्द्रो॑ वोऽद्य परा॑शरीत् ॥२॥
ā॒ta॒nvā॒nā ā॒yaccha॒nto’sya॑nto॒ ye ca॒ dhāva॑tha | nirha॑stāḥ śatravaḥ stha॒nendro॑ vo’dya parā॑śarīt || २ ||
निर्ह॑स्ताः सन्तु॒ शत्र॒वोऽङ्गै॑षां म्लापयामसि ।
अथै॑षामिन्द्र॒ वेदां॑सि शत॒शो वि भ॑जामहै ॥३॥
nirha॑stāḥ santu॒ śatra॒vo’ṅgai॑ṣāṃ mlāpayāmasi | athai॑ṣāmindra॒ vedāṃ॑si śata॒śo vi bha॑jāmahai || ३ ||