EeseDharmaSanātana Library
65काण्ड 6 · सूक्त 65
Atharvaveda Śaunaka Kand 6, Sukta 65.
3 shlokअव॑ म॒न्युरवाय॒ताव॑ बा॒हू म॑नो॒युजा॑ ।
परा॑शर॒ त्वं तेषां॒ परा॑ञ्चं॒ शुष्म॑मर्द॒याधा॑ नो र॒यिमा कृधि ॥१॥
ava॑ ma॒nyuravāya॒tāva॑ bā॒hū ma॑no॒yujā॑ | parā॑śara॒ tvaṃ teṣāṃ॒ parā॑ñcaṃ॒ śuṣma॑marda॒yādhā॑ no ra॒yimā kṛdhi || १ ||
निर्ह॑स्तेभ्यो नैर्ह॒स्तं यं दे॑वाः॒ शरु॒मस्य॑थ ।
वृ॒श्चामि॒ शत्रू॑णां बा॒हून॒नेन॑ ह॒विषा॒हम् ॥२॥
nirha॑stebhyo nairha॒staṃ yaṃ de॑vāḥ॒ śaru॒masya॑tha | vṛ॒ścāmi॒ śatrū॑ṇāṃ bā॒hūna॒nena॑ ha॒viṣā॒ham || २ ||
इन्द्र॑श्चकार प्रथ॒मं नै॑र्ह॒स्तमसु॑रेभ्यः ।
जय॑न्तु सत्वा॑नो॒ मम॑ स्थि॒रेणेन्द्रे॑ण मे॒दिना॑ ॥३॥
indra॑ścakāra pratha॒maṃ nai॑rha॒stamasu॑rebhyaḥ | jaya॑ntu satvā॑no॒ mama॑ sthi॒reṇendre॑ṇa me॒dinā॑ || ३ ||