EeseDharmaSanātana Library
64काण्ड 6 · सूक्त 64
Atharvaveda Śaunaka Kand 6, Sukta 64.
3 shlokसं जा॑नीध्वं॒ सं पृ॑च्यध्वं॒ सं वो॒ मनां॑सि जानताम्।
दे॒वा भा॒गं यथा॒ पूर्वे॑ संजाना॒ना उ॒पास॑ते ॥१॥
saṃ jā॑nīdhvaṃ॒ saṃ pṛ॑cyadhvaṃ॒ saṃ vo॒ manāṃ॑si jānatām | de॒vā bhā॒gaṃ yathā॒ pūrve॑ saṃjānā॒nā u॒pāsa॑te || १ ||
स॒मा॒नो मन्त्रः॒ समि॑तिः समा॒नी स॑मा॒नं व्र॒तं स॒ह चि॒त्तमे॑षाम्।
स॒मा॒नेन॑ वो ह॒विषा॑ जुहोमि समा॒नं चेतो॑ अभि॒संवि॑शध्वम् ॥२॥
sa॒mā॒no mantraḥ॒ sami॑tiḥ samā॒nī sa॑mā॒naṃ vra॒taṃ sa॒ha ci॒ttame॑ṣām | sa॒mā॒nena॑ vo ha॒viṣā॑ juhomi samā॒naṃ ceto॑ abhi॒saṃvi॑śadhvam || २ ||
स॒मा॒नी व॒ आकू॑तिः समा॒ना हृद॑यानि वः ।
स॒मा॒नम॑स्तु वो॒ मनो॒ यथा॑ वः॒ सुस॒हास॑ति ॥३॥
sa॒mā॒nī va॒ ākū॑tiḥ samā॒nā hṛda॑yāni vaḥ | sa॒mā॒nama॑stu vo॒ mano॒ yathā॑ vaḥ॒ susa॒hāsa॑ti || ३ ||