EeseDharmaSanātana Library
62काण्ड 6 · सूक्त 62
Atharvaveda Śaunaka Kand 6, Sukta 62.
3 shlokवै॒श्वा॒न॒रो र॒श्मिभि॑र्नः पुनातु॒ वातः॑ प्रा॒णेने॑षि॒रो नभो॑भिः ।
द्यावा॑पृथि॒वी पय॑सा॒ पय॑स्वती ऋ॒ताव॑री य॒ज्ञिये॑ न पुनीताम् ॥१॥
vai॒śvā॒na॒ro ra॒śmibhi॑rnaḥ punātu॒ vātaḥ॑ prā॒ṇene॑ṣi॒ro nabho॑bhiḥ | dyāvā॑pṛthi॒vī paya॑sā॒ paya॑svatī ṛ॒tāva॑rī ya॒jñiye॑ na punītām || १ ||
वै॒श्वा॒न॒रीं सू॒नृता॒मा र॑भध्वं॒ यस्या॒ आशा॑स्त॒न्वोऽवी॒तपृ॑ष्ठाः ।
तया॑ गृ॒णन्तः॑ सध॒मादे॑षु व॒यं स्या॑म॒ पत॑यो रयी॒नाम् ॥२॥
vai॒śvā॒na॒rīṃ sū॒nṛtā॒mā ra॑bhadhvaṃ॒ yasyā॒ āśā॑sta॒nvo’vī॒tapṛ॑ṣṭhāḥ | tayā॑ gṛ॒ṇantaḥ॑ sadha॒māde॑ṣu va॒yaṃ syā॑ma॒ pata॑yo rayī॒nām || २ ||
वै॒श्वा॒न॒रीं वर्च॑स॒ आ र॑भध्वं शु॒द्धा भव॑न्तः॒ शुच॑यः पाव॒काः ।
इ॒हेड॑या सध॒मादं॒ मद॑न्तो॒ ज्योक् प॑श्येम॒ सूर्य॑मु॒च्चर॑न्तम् ॥३॥
vai॒śvā॒na॒rīṃ varca॑sa॒ ā ra॑bhadhvaṃ śu॒ddhā bhava॑ntaḥ॒ śuca॑yaḥ pāva॒kāḥ | i॒heḍa॑yā sadha॒mādaṃ॒ mada॑nto॒ jyok pa॑śyema॒ sūrya॑mu॒ccara॑ntam || ३ ||