EeseDharmaSanātana Library
6काण्ड 6 · सूक्त 6
Atharvaveda Śaunaka Kand 6, Sukta 6.
3 shlokयो॒३स्मा॑न् ब्र॑ह्मणस्प॒तेऽदे॑वो अभि॒मन्य॑ते ।
सर्वं॒ तं र॑न्धयासि मे॒ यज॑मानाय सुन्व॒ते॑ ॥१॥
yo॒३smā॑n bra॑hmaṇaspa॒te’de॑vo abhi॒manya॑te | sarvaṃ॒ taṃ ra॑ndhayāsi me॒ yaja॑mānāya sunva॒te॑ || १ ||
यो नः॑ सोम सुशं॒सिनो॑ दुः॒शंस॑ आ॒दिदे॑शति ।
वज्रे॑णास्य॒ मुखे॑ जहि॒ स संपि॑ष्टो॒ अपा॑यति ॥२॥
yo naḥ॑ soma suśaṃ॒sino॑ duḥ॒śaṃsa॑ ā॒dide॑śati | vajre॑ṇāsya॒ mukhe॑ jahi॒ sa saṃpi॑ṣṭo॒ apā॑yati || २ ||
यो नः॑ सोमाभि॒दास॑ति॒ सना॑भि॒र्यश्च॒ निष्ट्यः॑ ।
अप॒ तस्य॒ बलं॑ तिर म॒हीव॒ द्यौर्व॑ध॒त्मना॑ ॥३॥
yo naḥ॑ somābhi॒dāsa॑ti॒ sanā॑bhi॒ryaśca॒ niṣṭyaḥ॑ | apa॒ tasya॒ balaṃ॑ tira ma॒hīva॒ dyaurva॑dha॒tmanā॑ || ३ ||