EeseDharmaSanātana Library
56काण्ड 6 · सूक्त 56
Atharvaveda Śaunaka Kand 6, Sukta 56.
3 shlokमा नो॑ देवा॒ अहि॑र्वधी॒त् सतो॑कान्त्स॒हपु॑रुषान्।
सम्य॑तं॒ न वि ष्प॑रद् व्यात्तं॒ न सं य॑म॒न्नमो॑ देवज॒नेभ्यः॑ ॥१॥
mā no॑ devā॒ ahi॑rvadhī॒t sato॑kāntsa॒hapu॑ruṣān | samya॑taṃ॒ na vi ṣpa॑rad vyāttaṃ॒ na saṃ ya॑ma॒nnamo॑ devaja॒nebhyaḥ॑ || १ ||
नमो॑ऽस्त्वसि॒ताय॒ नम॒स्तिर॑श्चिराजये ।
स्व॒जाय॑ ब॒भ्रवे॒ नमो॒ नमो॑ देवज॒नेभ्यः॑ ॥२॥
namo॑’stvasi॒tāya॒ nama॒stira॑ścirājaye | sva॒jāya॑ ba॒bhrave॒ namo॒ namo॑ devaja॒nebhyaḥ॑ || २ ||
सं ते॑ हन्मि द॒ता द॒तः समु॑ ते॒ हन्वा॒ हनू॑ ।
सं ते॑ जि॒ह्वया॑ जि॒ह्वां सम्वा॒स्नाह॑ आ॒स्यऽम् ॥३॥
saṃ te॑ hanmi da॒tā da॒taḥ samu॑ te॒ hanvā॒ hanū॑ | saṃ te॑ ji॒hvayā॑ ji॒hvāṃ samvā॒snāha॑ ā॒sya’m || ३ ||