EeseDharmaSanātana Library
55काण्ड 6 · सूक्त 55
Atharvaveda Śaunaka Kand 6, Sukta 55.
3 shlokये पन्था॑नो ब॒हवो॑ देव॒याना॑ अन्त॒रा द्यावा॑पृथि॒वी सं॒चर॑न्ति ।
तेषा॒मज्या॑निं यत॒मो वहा॑ति॒ तस्मै॑ मा देवाः॒ परि॑ धत्ते॒ह सर्वे॑ ॥१॥
ye panthā॑no ba॒havo॑ deva॒yānā॑ anta॒rā dyāvā॑pṛthi॒vī saṃ॒cara॑nti | teṣā॒majyā॑niṃ yata॒mo vahā॑ti॒ tasmai॑ mā devāḥ॒ pari॑ dhatte॒ha sarve॑ || १ ||
ग्री॒ष्मो हे॑म॒न्तः शिशि॑रो वस॒न्तः श॒रद् व॒र्षाः स्वि॒ते नो॑ दधात ।
आ नो॒ गोषु॒ भज॒ता प्र॒जायां॑ निवा॒त इद् वः॑ शर॒णे स्या॑म ॥२॥
grī॒ṣmo he॑ma॒ntaḥ śiśi॑ro vasa॒ntaḥ śa॒rad va॒rṣāḥ svi॒te no॑ dadhāta | ā no॒ goṣu॒ bhaja॒tā pra॒jāyāṃ॑ nivā॒ta id vaḥ॑ śara॒ṇe syā॑ma || २ ||
इ॒दा॒व॒त्स॒राय॑ परिवत्स॒राय॑ संवत्स॒राय॑ कृणुता बृ॒हन्नमः॑ ।
तेषां॑ व॒यं सु॑म॒तौ य॒ज्ञिया॑ना॒मपि॑ भ॒द्रे सौ॑मन॒से स्या॑म ॥३॥
i॒dā॒va॒tsa॒rāya॑ parivatsa॒rāya॑ saṃvatsa॒rāya॑ kṛṇutā bṛ॒hannamaḥ॑ | teṣāṃ॑ va॒yaṃ su॑ma॒tau ya॒jñiyā॑nā॒mapi॑ bha॒dre sau॑mana॒se syā॑ma || ३ ||