EeseDharmaSanātana Library
54काण्ड 6 · सूक्त 54
Atharvaveda Śaunaka Kand 6, Sukta 54.
3 shlokइ॒दं तद् यु॒ज उत्त॑र॒मिन्द्रं॑ शुम्भा॒म्यष्ट॑ये ।
अ॒स्य क्ष॒त्रं श्रियं॑ म॒हीं वृ॒ष्टिरि॑व वर्धया॒ तृण॑म् ॥१॥
i॒daṃ tad yu॒ja utta॑ra॒mindraṃ॑ śumbhā॒myaṣṭa॑ye | a॒sya kṣa॒traṃ śriyaṃ॑ ma॒hīṃ vṛ॒ṣṭiri॑va vardhayā॒ tṛṇa॑m || १ ||
अ॒स्मै क्ष॒त्रम॑ग्नीषोमाव॒स्मै धा॑रयतं र॒यिम्।
इ॒मं रा॒ष्ट्रस्या॑भीव॒र्गे कृ॑णु॒तं यु॒ज उत्त॑रम् ॥२॥
a॒smai kṣa॒trama॑gnīṣomāva॒smai dhā॑rayataṃ ra॒yim | i॒maṃ rā॒ṣṭrasyā॑bhīva॒rge kṛ॑ṇu॒taṃ yu॒ja utta॑ram || २ ||
सब॑न्धु॒श्चास॑बन्धुश्च॒ यो अ॒स्मां अ॑भि॒दास॑ति ।
सर्वं॒ तं र॑न्धयासि मे॒ यज॑मानाय सुन्व॒ते ॥३॥
saba॑ndhu॒ścāsa॑bandhuśca॒ yo a॒smāṃ a॑bhi॒dāsa॑ti | sarvaṃ॒ taṃ ra॑ndhayāsi me॒ yaja॑mānāya sunva॒te || ३ ||