EeseDharmaSanātana Library
50काण्ड 6 · सूक्त 50
Atharvaveda Śaunaka Kand 6, Sukta 50.
3 shlokह॒तं त॒र्दं स॑म॒ङ्कमा॒खुमश्वि॑ना छि॒न्तं शिरो॒ अपि॑ पृ॒ष्टीः शृ॑णीतम्।
यवा॒न्नेददा॒नपि॑ नह्यतं॒ मुख॒मथाभ॑यं कृणुतं धा॒न्याऽय ॥१॥
ha॒taṃ ta॒rdaṃ sa॑ma॒ṅkamā॒khumaśvi॑nā chi॒ntaṃ śiro॒ api॑ pṛ॒ṣṭīḥ śṛ॑ṇītam | yavā॒nnedadā॒napi॑ nahyataṃ॒ mukha॒mathābha॑yaṃ kṛṇutaṃ dhā॒nyā’ya || १ ||
तर्द॒ है पत॑ङ्ग॒ है जभ्य॒ हा उप॑क्वस ।
ब्र॒ह्मेवासं॑स्थितं ह॒विरन॑दन्त इ॒मान् यवा॒नहिं॑सन्तो अ॒पोदि॑त ॥२॥
tarda॒ hai pata॑ṅga॒ hai jabhya॒ hā upa॑kvasa | bra॒hmevāsaṃ॑sthitaṃ ha॒virana॑danta i॒mān yavā॒nahiṃ॑santo a॒podi॑ta || २ ||
तर्दा॑पते॒ वघा॑पते॒ तृष्ट॑जम्भा॒ आ शृ॑णोत मे ।
य आ॑र॒ण्या व्यऽद्व॒रा ये के च॒ स्थ व्यऽद्वरास्तान्त्सर्वा॑न् जम्भयामसि ॥३॥
tardā॑pate॒ vaghā॑pate॒ tṛṣṭa॑jambhā॒ ā śṛ॑ṇota me | ya ā॑ra॒ṇyā vya’dva॒rā ye ke ca॒ stha vya’dvarāstāntsarvā॑n jambhayāmasi || ३ ||