EeseDharmaSanātana Library
5काण्ड 6 · सूक्त 5
Atharvaveda Śaunaka Kand 6, Sukta 5.
3 shlokउदे॑नमुत्त॒रं न॒याग्ने॑ घृ॒तेना॑हुत ।
समे॑नं॒ वर्च॑सा सृज प्र॒जया॑ च ब॒हुं कृ॑धि ॥१॥
ude॑namutta॒raṃ na॒yāgne॑ ghṛ॒tenā॑huta | same॑naṃ॒ varca॑sā sṛja pra॒jayā॑ ca ba॒huṃ kṛ॑dhi || १ ||
इन्द्रे॒मं प्र॑त॒रं कृ॑धि सजा॒ताना॑मसद् व॒शी।
रा॒यस्पोषे॑ण॒ सं सृ॑ज जी॒वात॑वे ज॒रसे॑ नय ॥२॥
indre॒maṃ pra॑ta॒raṃ kṛ॑dhi sajā॒tānā॑masad va॒śī | rā॒yaspoṣe॑ṇa॒ saṃ sṛ॑ja jī॒vāta॑ve ja॒rase॑ naya || २ ||
यस्य॑ कृ॒ण्मो ह॒विर्गृ॒हे तम॑ग्ने वर्धया॒ त्वम्।
तस्मै॒ सोमो॒ अधि॑ ब्रवद॒यं च॒ ब्रह्म॑ण॒स्पतिः॑ ॥३॥
yasya॑ kṛ॒ṇmo ha॒virgṛ॒he tama॑gne vardhayā॒ tvam | tasmai॒ somo॒ adhi॑ bravada॒yaṃ ca॒ brahma॑ṇa॒spatiḥ॑ || ३ ||