EeseDharmaSanātana Library
49काण्ड 6 · सूक्त 49
Atharvaveda Śaunaka Kand 6, Sukta 49.
3 shlokन॒हि ते॑ अग्ने त॒न्वः क्रू॒रमा॒नंश॒ मर्त्यः॑ ।
क॒पिर्ब॑भस्ति॒ तेज॑नं॒ स्वं ज॒रायु॒ गौरि॑व ॥१॥
na॒hi te॑ agne ta॒nvaḥ krū॒ramā॒naṃśa॒ martyaḥ॑ | ka॒pirba॑bhasti॒ teja॑naṃ॒ svaṃ ja॒rāyu॒ gauri॑va || १ ||
मे॒ष इ॑व॒ वै सं च॒ वि चो॒र्व॒ऽच्यसे॒ यदु॑त्तर॒द्रावुप॑रश्च॒ खाद॑तः ।
शी॒र्ष्णा शिरोऽप्स॒साप्सो॑ अ॒र्दय॑न्नं॒शून् ब॑भस्ति॒ हरि॑तेभिरा॒सभिः॑ ॥२॥
me॒ṣa i॑va॒ vai saṃ ca॒ vi co॒rva॒’cyase॒ yadu॑ttara॒drāvupa॑raśca॒ khāda॑taḥ | śī॒rṣṇā śiro’psa॒sāpso॑ a॒rdaya॑nnaṃ॒śūn ba॑bhasti॒ hari॑tebhirā॒sabhiḥ॑ || २ ||
सु॒प॒र्णा वाच॑मक्र॒तोप॒ द्यव्या॑ख॒रे कृष्णा॑ इषि॒रा अ॑नर्तिषुः ।
नि यन्नि॒यन्त्युप॑रस्य॒ निष्कृ॑तिं पु॒रू रेतो॑ दधिरे सूर्य॒श्रितः॑ ॥३॥
su॒pa॒rṇā vāca॑makra॒topa॒ dyavyā॑kha॒re kṛṣṇā॑ iṣi॒rā a॑nartiṣuḥ | ni yanni॒yantyupa॑rasya॒ niṣkṛ॑tiṃ pu॒rū reto॑ dadhire sūrya॒śritaḥ॑ || ३ ||