EeseDharmaSanātana Library
46काण्ड 6 · सूक्त 46
Atharvaveda Śaunaka Kand 6, Sukta 46.
3 shlokयो न जी॒वोऽसि॒ न मृ॒तो दे॒वाना॑ममृतग॒र्भोऽसि स्वप्न ।
व॒रु॒णा॒नी ते॑ मा॒ता य॒मः पि॒तार॑रु॒र्नामा॑सि ॥१॥
yo na jī॒vo’si॒ na mṛ॒to de॒vānā॑mamṛtaga॒rbho’si svapna | va॒ru॒ṇā॒nī te॑ mā॒tā ya॒maḥ pi॒tāra॑ru॒rnāmā॑si || १ ||
वि॒द्म ते॑ स्वप्न ज॒नित्रं॑ देवजामी॒नां पु॒त्रोऽसि य॒मस्य॒ कर॑णः ।
अन्त॑कोऽसि मृ॒त्युर॑सि।
तं त्वा॑ स्वप्न॒ तथा॒ सं वि॑द्म॒ स नः॑ स्वप्न दु॒ष्वप्न्या॑त् पाहि ॥२॥
vi॒dma te॑ svapna ja॒nitraṃ॑ devajāmī॒nāṃ pu॒tro’si ya॒masya॒ kara॑ṇaḥ | anta॑ko’si mṛ॒tyura॑si | taṃ tvā॑ svapna॒ tathā॒ saṃ vi॑dma॒ sa naḥ॑ svapna du॒ṣvapnyā॑t pāhi || २ ||
यथा॑ क॒लां यथा॑ श॒फं यथ॒र्णं सं॒नय॑न्ति ।
ए॒वा दु॒ष्वप्न्यं॒ सर्वं॑ द्विष॒ते सं न॑यामसि ॥३॥
yathā॑ ka॒lāṃ yathā॑ śa॒phaṃ yatha॒rṇaṃ saṃ॒naya॑nti | e॒vā du॒ṣvapnyaṃ॒ sarvaṃ॑ dviṣa॒te saṃ na॑yāmasi || ३ ||