EeseDharmaSanātana Library
45काण्ड 6 · सूक्त 45
Atharvaveda Śaunaka Kand 6, Sukta 45.
3 shlokप॒रोऽपे॑हि मनस्पाप॒ किमश॑स्तानि शंससि ।
परे॑हि॒ न त्वा॑ कामये वृ॒क्षां वना॑नि॒ सं च॑र गृ॒हेषु॑ गोषु॑ मे॒ मनः॑ ॥१॥
pa॒ro’pe॑hi manaspāpa॒ kimaśa॑stāni śaṃsasi | pare॑hi॒ na tvā॑ kāmaye vṛ॒kṣāṃ vanā॑ni॒ saṃ ca॑ra gṛ॒heṣu॑ goṣu॑ me॒ manaḥ॑ || १ ||
अ॒व॒शसा॑ निः॒शसा॒ यत् प॑रा॒शसो॑पारि॒म जाग्र॑तो॒ यत् स्व॒पन्तः॑ ।
अ॒ग्निर्वि॑श्वा॒न्यप॑ दुष्कृ॒तान्यजु॑ष्टान्या॒रे अ॒स्मद् द॑धातु ॥२॥
a॒va॒śasā॑ niḥ॒śasā॒ yat pa॑rā॒śaso॑pāri॒ma jāgra॑to॒ yat sva॒pantaḥ॑ | a॒gnirvi॑śvā॒nyapa॑ duṣkṛ॒tānyaju॑ṣṭānyā॒re a॒smad da॑dhātu || २ ||
यदि॑न्द्र ब्रह्मणस्प॒तेऽपि॒ मृषा॒ चरा॑मसि ।
प्रचे॑ता न आङ्गिर॒सो दु॑रि॒तात् पा॒त्वंह॑सः ॥३॥
yadi॑ndra brahmaṇaspa॒te’pi॒ mṛṣā॒ carā॑masi | prace॑tā na āṅgira॒so du॑ri॒tāt pā॒tvaṃha॑saḥ || ३ ||