EeseDharmaSanātana Library
44काण्ड 6 · सूक्त 44
Atharvaveda Śaunaka Kand 6, Sukta 44.
3 shlokअस्था॒द् द्यौरस्था॑त् पृथि॒व्यस्था॒द् विश्व॑मि॒दं जग॑त्।
अस्थु॑र्वृ॒क्षा ऊ॒र्ध्वस्व॑प्ना॒स्तिष्ठा॒द् रोगो॑ अ॒यं तव॑ ॥१॥
asthā॒d dyaurasthā॑t pṛthi॒vyasthā॒d viśva॑mi॒daṃ jaga॑t | asthu॑rvṛ॒kṣā ū॒rdhvasva॑pnā॒stiṣṭhā॒d rogo॑ a॒yaṃ tava॑ || १ ||
श॒तं या भे॑ष॒जानि॑ ते स॒हस्रं॒ संग॑तानि च ।
श्रेष्ठ॑मास्रावभेष॒जं वसि॑ष्ठं रोग॒नाश॑नम् ॥२॥
śa॒taṃ yā bhe॑ṣa॒jāni॑ te sa॒hasraṃ॒ saṃga॑tāni ca | śreṣṭha॑māsrāvabheṣa॒jaṃ vasi॑ṣṭhaṃ roga॒nāśa॑nam || २ ||
रु॒द्रस्य॒ मूत्र॑मस्य॒मृत॑स्य॒ नाभिः॑ ।
वि॒षा॒ण॒का नाम॒ वा अ॑सि पितॄ॒णां मूला॒दुत्थि॑ता वातीकृत॒नाश॑नी ॥३॥
ru॒drasya॒ mūtra॑masya॒mṛta॑sya॒ nābhiḥ॑ | vi॒ṣā॒ṇa॒kā nāma॒ vā a॑si pitṝ॒ṇāṃ mūlā॒dutthi॑tā vātīkṛta॒nāśa॑nī || ३ ||