EeseDharmaSanātana Library
43काण्ड 6 · सूक्त 43
Atharvaveda Śaunaka Kand 6, Sukta 43.
3 shlokअ॒यं द॒र्भो विम॑न्युकः॒ स्वाय॒ चार॑णाय च ।
म॒न्योर्विम॑न्युकस्या॒यं म॑न्यु॒शम॑न उच्यते ॥१॥
a॒yaṃ da॒rbho vima॑nyukaḥ॒ svāya॒ cāra॑ṇāya ca | ma॒nyorvima॑nyukasyā॒yaṃ ma॑nyu॒śama॑na ucyate || १ ||
अ॒यं यो भूरि॑मूलः समु॒द्रम॑व॒तिष्ठ॑ति ।
द॒र्भः पृ॑थि॒व्या उत्थि॑तो मन्यु॒शम॑न उच्यते ॥२॥
a॒yaṃ yo bhūri॑mūlaḥ samu॒drama॑va॒tiṣṭha॑ti | da॒rbhaḥ pṛ॑thi॒vyā utthi॑to manyu॒śama॑na ucyate || २ ||
वि ते॑ हन॒व्यां श॒रणिं॒ वि ते॒ मुख्यां॑ नयामसि ।
यथा॑व॒शो न वादि॑षो॒ मम॑ चि॒त्तमु॒पाय॑सि ॥३॥
vi te॑ hana॒vyāṃ śa॒raṇiṃ॒ vi te॒ mukhyāṃ॑ nayāmasi | yathā॑va॒śo na vādi॑ṣo॒ mama॑ ci॒ttamu॒pāya॑si || ३ ||