EeseDharmaSanātana Library
41काण्ड 6 · सूक्त 41
Atharvaveda Śaunaka Kand 6, Sukta 41.
3 shlokमन॑से॒ चेत॑से धि॒य आकू॑तय उ॒त चित्त॑ये ।
म॒त्यै श्रु॒ताय॒ चक्ष॑से वि॒धेम॑ ह॒विषा॑ व॒यम् ॥१॥
mana॑se॒ ceta॑se dhi॒ya ākū॑taya u॒ta citta॑ye | ma॒tyai śru॒tāya॒ cakṣa॑se vi॒dhema॑ ha॒viṣā॑ va॒yam || १ ||
अ॒पा॒नाय॑ व्या॒नाय॑ प्रा॒णाय॒ भूरि॑धायसे ।
सर॑स्वत्या उरु॒व्यचे॑ वि॒धेम॑ ह॒विषा॑ व॒यम् ॥२॥
a॒pā॒nāya॑ vyā॒nāya॑ prā॒ṇāya॒ bhūri॑dhāyase | sara॑svatyā uru॒vyace॑ vi॒dhema॑ ha॒viṣā॑ va॒yam || २ ||
मा नो॑ हासिषु॒र्ऋष॑यो॒ दैव्या॒ ये त॑नू॒पा ये न॑स्त॒न्वऽस्तनू॒जाः ।
अम॑र्त्या॒ मर्त्यां॑ अ॒भि नः॑ सचध्व॒मायु॑र्धत्त प्रत॒रं जी॒वसे॑ नः ॥३॥
mā no॑ hāsiṣu॒rṛṣa॑yo॒ daivyā॒ ye ta॑nū॒pā ye na॑sta॒nva’stanū॒jāḥ | ama॑rtyā॒ martyāṃ॑ a॒bhi naḥ॑ sacadhva॒māyu॑rdhatta prata॒raṃ jī॒vase॑ naḥ || ३ ||