Atharvaveda Śaunaka 6.39.1◌ EeseDharma mein verified
१ जगती, २ त्रिष्टुप्, ३ अनुष्टुप्।
यशो॑ ह॒विर्व॑र्धता॒मिन्द्र॑जूतं स॒हस्र॑वीर्यं॒ सुभृ॑तं॒ सह॑स्कृतम्।
प्र॒सर्स्रा॑ण॒मनु॑ दी॒र्घाय॒ चक्ष॑से ह॒विष्म॑न्तं मा वर्धय ज्ये॒ष्ठता॑तये ॥१॥
Roman reading१ jagatī, २ triṣṭup, ३ anuṣṭup | yaśo॑ ha॒virva॑rdhatā॒mindra॑jūtaṃ sa॒hasra॑vīryaṃ॒ subhṛ॑taṃ॒ saha॑skṛtam | pra॒sarsrā॑ṇa॒manu॑ dī॒rghāya॒ cakṣa॑se ha॒viṣma॑ntaṃ mā vardhaya jye॒ṣṭhatā॑taye || १ ||
Project-owned meaning abhi available nahi hai.
Atharvaveda Śaunaka 6.39.2◌ EeseDharma mein verified
अच्छा॑ न॒ इन्द्रं॑ य॒शसं॒ यशो॑भिर्यश॒स्विनं॑ नमसा॒ना वि॑धेम ।
स नो॑ रास्व रा॒ष्ट्रमिन्द्र॑जूतं॒ तस्य॑ ते रा॒तौ य॒शसः॑ स्याम ॥२॥
Roman readingacchā॑ na॒ indraṃ॑ ya॒śasaṃ॒ yaśo॑bhiryaśa॒svinaṃ॑ namasā॒nā vi॑dhema | sa no॑ rāsva rā॒ṣṭramindra॑jūtaṃ॒ tasya॑ te rā॒tau ya॒śasaḥ॑ syāma || २ ||
Project-owned meaning abhi available nahi hai.
Atharvaveda Śaunaka 6.39.3◌ EeseDharma mein verified
य॒शा इन्द्रो॑ य॒शा अ॒ग्निर्य॒शाः सोमो॑ अजायत ।
य॒शा विश्व॑स्य भू॒तस्या॒हम॑स्मि य॒शस्त॑मः ॥३॥
Roman readingya॒śā indro॑ ya॒śā a॒gnirya॒śāḥ somo॑ ajāyata | ya॒śā viśva॑sya bhū॒tasyā॒hama॑smi ya॒śasta॑maḥ || ३ ||
Project-owned meaning abhi available nahi hai.
