EeseDharmaSanātana Library
37काण्ड 6 · सूक्त 37
Atharvaveda Śaunaka Kand 6, Sukta 37.
3 shlokउप॒ प्रागा॑त् सहस्रा॒क्षो यु॒क्त्वा श॒पथो॒ रथ॑म्।
श॒प्तार॑मन्वि॒छन् मम॒ वृक॑ इ॒वावि॑मतो गृ॒हम् ॥१॥
upa॒ prāgā॑t sahasrā॒kṣo yu॒ktvā śa॒patho॒ ratha॑m | śa॒ptāra॑manvi॒chan mama॒ vṛka॑ i॒vāvi॑mato gṛ॒ham || १ ||
परि॑ णो वृङ्ग्धि शपथ ह्र॒दम॒ग्निरि॑वा॒ दह॑न्।
श॒प्तार॒मत्र॑ नो जहि दि॒वो वृ॒क्षमि॑वा॒शनिः॑ ॥२॥
pari॑ ṇo vṛṅgdhi śapatha hra॒dama॒gniri॑vā॒ daha॑n | śa॒ptāra॒matra॑ no jahi di॒vo vṛ॒kṣami॑vā॒śaniḥ॑ || २ ||
यो नः॒ शपा॒दश॑पतः॒ शप॑तो॒ यश्च॑ नः॒ शपा॑त्।
शुने॑ पेष्ट्र॑मि॒वाव॑क्षामं॒ तं प्रत्य॑स्यामि मृ॒त्यवे॑ ॥३॥
yo naḥ॒ śapā॒daśa॑pataḥ॒ śapa॑to॒ yaśca॑ naḥ॒ śapā॑t | śune॑ peṣṭra॑mi॒vāva॑kṣāmaṃ॒ taṃ pratya॑syāmi mṛ॒tyave॑ || ३ ||